ازاي ترتطبتي صح ؟

التوبيك ده انا شفته وعجبني قولت اجيبهلكم يارب يعجبكم


وهو تقريبا يخص البنااات اكتر


نخش ف المهم بقي


[ندعوك للتسجيل في المنتدى أو التعريف بنفسك لمعاينة هذا الرابط]




دلوقتي فيفي وسوسو وحتى تفيدة اتجوزوا..
وإنتِ يا عيني الوحيدة اللي بتعاني من الوحدة..
وبتضايقك جدا تعليقات صحباتك البنات بخصوص "مش ناوية قريب؟"
و"يلاّ عاوزين نحضر فرح" و"إنت آخر واحدة ماتجوزتش في الشلة
إمتى نخلص منك بقى


[ندعوك للتسجيل في المنتدى أو التعريف بنفسك لمعاينة هذا الرابط]



أكيد لما بتسمعي التعليقات اللطيفة دي، بييجي على دماغك سؤال..
يا ترى فيفي وسوسو وتفيدة أحسن مني في إيه؟ أجمل مني؟ أذكى مني؟
دمهم أخف من دمي؟
ويا ترى ليه إنت بقالك ييجي 60 سنة مش عارفة تدخلي في علاقة عاطفية جادة؟
وليه يأستي لدرجة إن عندك استعداد ترتبطي بأي حد والسلام؟
احنا هنا بنقولك إن المشكلة بسيطة جدا، وكل اللي إنت محتاجاه للوصول للجاذبية
اللي قدروا صحباتك البنات إنهم يوصلوا ليها، هي إنك تعرفي نفسك..
وخلينا نفهم الموضوع واحدة واحدة
*******
[ندعوك للتسجيل في المنتدى أو التعريف بنفسك لمعاينة هذا الرابط]



أولا لازم تكوني صريحة جدا مع نفسك.. وتعترفي بنقاط قوتك،
و-الأهم من ده- تعترفي بنقاط ضعفك أو عيوبك.. وده طبعا مش بيكون سهل
، لأن مفيش حد تقريبا يحب إن تكون عنده عيوب أو "ديفوهات" في شخصيته..
ولو سألتيني "ده هيساعدني إزاي في إني أدخل علاقة عاطفية؟"
هاقول لك إن مجرد معرفتك بالنقاط دي هايديكي ثقة أكثر في نفسك،
وتحكُّم في العيوب دي وهيعلمك [ندعوك للتسجيل في المنتدى أو التعريف بنفسك لمعاينة هذا الرابط]تخليها ماتأثرش في علاقاتك بالناس
وهتخليكي كمان تقدري تستوعبي [ندعوك للتسجيل في المنتدى أو التعريف بنفسك لمعاينة هذا الرابط]العيوب دي ممكن تؤثر سلبياً في وجهة نظر أي حد بيحاول
يقرب لك على المستوى الإنساني والعاطفي، وخلينا نشوف المثال ده
*******
[ندعوك للتسجيل في المنتدى أو التعريف بنفسك لمعاينة هذا الرابط]



أحمد: ويا ترى إنتي بتحبي تقضي وقت فراغك في إيه؟


نانا: في الحقيقة أنا باحب أعمل شوبينج قوي.. باحب اشتري ماكياج كتير
وأبقى نازلة أتفرج على المحلات عادي ألاقي نفسي اشتريت 4 إيشاربات مثلا وإكسسوارات وأدوات ماكياج وارجع أستلف من ماما لحد آخر الشهر


طبعا نانا هنا كانت بتتكلم براحتها وبالتفصيل الممل، من غير ما تعرف إن ده عيب قاتل في
شخصيتها. وطبعا أحمد بيفكر في حاجة واحدة اللي هي "الحمد لله إني عرفت الكلام دلوقت أحسن لو كنت اتجوزتها كانت خربت البيت وموتتنا من الجوع


[ندعوك للتسجيل في المنتدى أو التعريف بنفسك لمعاينة هذا الرابط]


في الحالة دي إحنا مش بنطلب من نانا إنها تكذب وتخبي حقيقتها على أحمد،
إحنا بنطلب منها إنها تعرف إن اللي بتقوله ده يندرج تحت عيب "التبذير وصرف الفلوس من غير وعي"،
ولما تعرف إنه عيب هتحاول تصلحه بقدر الإمكان بإنها تتحكم في رغبتها المحمومة في الشراء على الفاضي وعلى المليان.. وبالتالي، لما تييجي تحكي لأحمد عن موضوع الشوبينج بتاعها ده، هتكون فاهمة إن ده عيب في شخصيتها، مش هتتفاخر بيه زي ما عملت في الحوار اللي فات
*******
[ندعوك للتسجيل في المنتدى أو التعريف بنفسك لمعاينة هذا الرابط]


من أنتي؟



[ندعوك للتسجيل في المنتدى أو التعريف بنفسك لمعاينة هذا الرابط]



مهم جدا إنك تعرفي نفسك وتكوني صديقة نفسك الأولى.. والإجابة على أشهر سؤال في تاريخ
السينما المصرية "من أنت؟" بتاع "سعاد حسني" في فيلم (خلي بالك من زوزو)..
شيء صعب مش سهل.. لأن جواه تفاصيل كتير.. يعني إيه من أنا؟ طب ما هو "أنا" ده عبارة عن
كذا شخصية.. عبارة عن ابنة وأخت وطالبة وممكن فنانة.. إلخ.. إيه المقصود بأنا؟
اسمي؟ ديني؟ وظيفتي؟ دوري في عيلتي؟ دوري مع أصحابي؟
الحصول على إجابة السؤال ده محتاجة الكثير من التأمل والبحث جواكي
*******
[ندعوك للتسجيل في المنتدى أو التعريف بنفسك لمعاينة هذا الرابط]



لو أنا مش باحب نفسي، مين هايحبني؟


[ندعوك للتسجيل في المنتدى أو التعريف بنفسك لمعاينة هذا الرابط]



قلنا إن من أهم الصفات اللي لازم تتحلي بيها هي الثقة بالنفس.. والثقة بالنفس دي هاتيجي من
معرفة إجابة سؤال "من أنتِ؟"وزي ما قلنا.. الثقة بالنفس يعني إنك تتقبلي نفسك بكل ما فيها.. بكل
المميزات وبكل العيوب بصفتها شيء إنساني جدا ولأن الكمال لله وحده.. وخلي بالك..
لو إنت عمالة تبيني للناس إنك رائعة وفظيعة ومحصلتيش وإنك أحسن حاجة
حصلت بعد بناء السد العالي[ندعوك للتسجيل في المنتدى أو التعريف بنفسك لمعاينة هذا الرابط]، وإنت من جواكي مش مؤمنة بده ومؤمنة بإنك -مثلا- أتخن من
اللازم أو مش ذكية قوية أو ماتستحقيش حبا حقيقيا.. ثقي تماما إن الناس هتعرف ده، وهتبعد عنك
ومن ضمنهم قد يكون فارس أحلامك


*******
[ندعوك للتسجيل في المنتدى أو التعريف بنفسك لمعاينة هذا الرابط]


الخلاصة
لازم تحبي نفسك، لو كنتِ عاوزة حد يحبك
*******


[ندعوك للتسجيل في المنتدى أو التعريف بنفسك لمعاينة هذا الرابط]درس عملي[ندعوك للتسجيل في المنتدى أو التعريف بنفسك لمعاينة هذا الرابط]




طيب خلونا متفائلين وخلونا نقول إنكم مقتنعين بكل الكلام اللي قلناه فوق ده،
ومحتاجين بس شوية أدوات تساعدكم في معرفة نفسكم
جاوبوا على الأسئلة دي في قعدة صفا مع النفس وهتندهشوا من كمية الحاجات اللي إنتم
ماتعرفوهاش عن نفسكم


[ندعوك للتسجيل في المنتدى أو التعريف بنفسك لمعاينة هذا الرابط]


هل ساعات بتحسي إنك محتاجة تلبسي "ماسك"
أو تخبي شخصيتك الحقيقية في بعض المواقف؟ إمتى بيحصل ده وليه؟


هل بتشعري بالعار في أحيان كتيرة؟ ليه؟


هل بتحسي إنك مش ذكية كفاية؟


إيه المشكلة الأساسية الموجودة عندك؟


بتحسي إنك واثقة في نفسك ولا لأ؟


هل تعتقدي إن (أختك.. صاحبتك.. إلخ) أحسن منك؟ في إيه؟


هل بتحسي إنك ماتستحقيش الحب الحقيقي؟


إمتى بتحسي إنك مسيطرة على حياتك ومتحكمة فيها بالكامل؟


هل بتحسي إن شخصيتك ذكية وجذابة ومميزة؟


هل بتحسي إن تجارب سابقة حطمتك
وبالتالي معندكيش الاستعداد النفسي لخوض علاقة عاطفية جديدة؟


هل بتشعري إنك تستحقي السعادة؟


[ندعوك للتسجيل في المنتدى أو التعريف بنفسك لمعاينة هذا الرابط]


السبب وراء الإجابة على الأسئلة دي هو إنك توصلي لنقط الضعف ونقط القوة في شخصيتك..
تحاولي تقللي من العيوب، وبالتالي المميزات هتزيد ومعاها الثقة بالنفس.. وبدل من إنك توافقي
على الارتباط بأي شخص والسلام.. أو بحد مش بيعاملك بالطريقة اللي تستحقيها، هتقدري تعملي
وقفة وتقولي: لأ.. أنا أستاهل حد يعاملني باحترام وتقدير وحب.. من حقي أكون سعيدة في حياتي.. مع الإنسان المناسب


[ندعوك للتسجيل في المنتدى أو التعريف بنفسك لمعاينة هذا الرابط]



*******
بعد ما تقدري تقدمي نفسك للناس بهذه الصورة.. اللي إنت فيها بتقدري ذاتك وتحترميها.. ومش
راضية فيها بأي حد والسلام.. ومش عاوزة فيها تتجوزي وخلاص من فرط اليأس.. هتلاقي نفسك بقيتي محاطة بعدد لا بأس به من الشباب اللي زي الفل واللي عاوزين يتقدموا لك، لأن أكتر حاجة
ممكن تحبط الشاب في البنت اللي بيفكر يرتبط بيها هي إنه يحس إنها يائسة وماعندهاش ثقة بنفسها وده هيضمن له ببساطة عيشة نكد طول العمر[ندعوك للتسجيل في المنتدى أو التعريف بنفسك لمعاينة هذا الرابط]
*******
[ندعوك للتسجيل في المنتدى أو التعريف بنفسك لمعاينة هذا الرابط]


خلي شخصيتك وصفاتك الجميلة تشرق من جواكي
خليكي متوهجة بالحماس وبالشغف للحاجات اللي بتحبي تعمليها
خلي الناس هي اللي تنجذب ليكي من غير ما تبذلي مجهود
غير في إنك تكوني أحسن ما عندك
وابقي ادعي لنا [ندعوك للتسجيل في المنتدى أو التعريف بنفسك لمعاينة هذا الرابط]


وربنا يوفق الجميع يارب