افضح نفسك بنفسك

موضوع: افضح نفسك بنفسك السبت أغسطس 07, 2010 2:18 am

بما ان احنا فى قسم المطبخ
جت على بالى فكره هى عجبتنى
ومدام عجبتنى هتعجبكم ومش عاوزه كلام كتير[ندعوك للتسجيل في المنتدى أو التعريف بنفسك لمعاينة هذا الرابط]
بصو بقى اكيد كل واحد ليه فضايح مع المطبخ
وبما ان انا فاشلة مطبخ
فاكتر حاجه اعرفها عنه فضيحه[ندعوك للتسجيل في المنتدى أو التعريف بنفسك لمعاينة هذا الرابط]
فهسال اسئله والعضو اللى هختاره دلوقتى هيجاوب
وهيرشح عضو بعده
تمام ندخل بقى على الاسئله

1_ بتعرف تطبخ ولا لا؟

2_ ايه اكتر اكله بتحب تعملها بنفسك؟

3_ كام صنف بتعرف تطبخه وهما ايه؟

4_ بتحب تفتكس اكلات وايه هى كل افتكساتك؟

5_ لما بتطبخ بيبقى راى الناس ايه فى اكلك ؟

6_ ايه اكتر مشروب بتحب تعمل بايدك؟

7 _ بتحب المطبخ والطبخ وكده ولا مبتدخلهوش غير لما تكون مجبر؟

8_ اكيد كل واحد عنده زكريات مؤلمه مع المطبخ يعنى ولع فى حاجه كده يعنى ياريت تحكهلنا كلها؟

9_ نوادرك بقى مع المطبخ اللى كل ماتفتكرها تضحك وبرضه ياريت
تقولها كلها؟

بس كده مش فضايح ولا حاجه
حجات بسيطه اهيه[ندعوك للتسجيل في المنتدى أو التعريف بنفسك لمعاينة هذا الرابط]

وهختار اول حد يكون معانا

وهيا عضوتنا الجميله الجديده
دينااااا

اولااااااااااااا تسلمى على الموضوع الجميل ده بس ده احرااااااااج فظيع هههههههه يلا مش مشكله

هالــــــــــــــــووو

1_ بتعرف تطبخ ولا لا؟
السؤال دة مايتسألش لى انا
طبعا يا بنتى
ونفسى فى الأكل حلو اوى

2_ ايه اكتر اكله بتحب تعملها بنفسك؟
الحمام
والمحاشى
بيطلعو رووعة

3_ كام صنف بتعرف تطبخه وهما ايه؟
بصى
ادينى اى حاجة الا البشاميل
[size=21]بيطلع جبس معايا
وانا بحبه خفيف اوى

[center]4_ بتحب تفتكس اكلات وايه هى كل افتكساتك؟
لأ محبش افتكس
مش افتكس دى يعنى اخترع ؟
معلش مهو برضو مسافة بين مصر ولغة اسكندرية [ندعوك للتسجيل في المنتدى أو التعريف بنفسك لمعاينة هذه الصورة]
بس ممكن الاقى حاجة عمرى معملتها فى النت
اقوم اعملها واخلصها واقلبها فى الزبالة

5-لما بتطبخ بيبقى راى الناس ايه فى اكلك ؟
لأ بصراحة كله بيشكر فى اكلى
ومش بعرف ادوق اى حاجة الا بعد ماكله يقولى وااااااااو يجنن

6_ ايه اكتر مشروب بتحب تعمل بايدك؟
موز باللبن والزبادى
والشاى
الموز بيطلع حلو وممكن الناس تشربه
انما الشاى بتاعى محدش بيطيقه الا انا وبس

7 _ بتحب المطبخ والطبخ وكده ولا مبتدخلهوش غير لما تكون مجبر؟
لأ بدخله غالبا مجبر اخاك لا بطل
بس يوم بقى يا اوختى يا رندتى ما بقول يا مطبخ
وااو اتفرجى بقى وشمى

8_ اكيد كل واحد عنده زكريات مؤلمه مع المطبخ يعنى ولع فى حاجه كده يعنى ياريت تحكهلنا كلها؟
مرة كانت ماما مش فى البيت
وانا اللى كنت مسئوله عن المطبخ
ولما اكون مسئوله ومجبرة بقلب اى حاجة فى اى حاجة
المهم قلت اعمل كفته ومكرونة
اهى اى حاجة تقضى بيها الواجب لحد ماما ماترجع بالسلامة
وكنت جديدة جدا فى دخول المطبخ
واستعنت بقى مش بصديق لأ بكتاب ابلة نظيرة
وفتحت صفحة الكفتة وابتديت اعملها خطوة خطوة
[size=21]وعرفت بقى والناس بتاكل ومن نظراتهم لى
انى اخدت 4 سطور من وصفة الكفتة اللى فى الصفحة اليمين
ورجعت اخدت باقى الكفتة من الصفحة الشمال اللى هى وصفة كفتة تانية خاااااااااااااااااااالص
طبعا سابولى الأكل وقامو
مش مهم اكلت انا طبعا من كتر الأحراج
[center]وبيتنا بقى ليه كل اسبوع براد للشاى جديد
لأنى كل اسبوع بحرق واحد
اللى بالكهرباء
والعادى
والغالى
والرخيص
والمهم ابو صفارة كان خلاص قرب يسبلى
علشان الحق المية اللى بتغلى قبل مايتحرق
وفى الأخر الصفارة اتحرقت [ندعوك للتسجيل في المنتدى أو التعريف بنفسك لمعاينة هذه الصورة]

وحاولت مرة اعمل كحك للعيد
طلع مكور مش مبطط وينضرب فى الحيط يرجع لك تانى
بس والله طعمه كان يجنن
بس كان عاوز استعمال بقسماط
[ندعوك للتسجيل في المنتدى أو التعريف بنفسك لمعاينة هذه الصورة]

ااه يا مانونى دنا لو كتبت مش حخلص
ايه الفضايح دى بس

9_ نوادرك بقى مع المطبخ اللى كل ماتفتكرها تضحك وبرضه ياريت
تقولها كلها؟
نعم ؟
امال اللى حكيته فوق دة كان ايه ؟؟
على العموم
مرة طاسة الزيت ولعت رميت عليها ميه
المطبخ ولع ادامى وانا كنت جوة
يعنى الحريقة كانت بينى وبين باب المطبخ
والله ماعرف مين اللى خلانى اقفل الطاسة بالغطاء
اكيد ربنا الهمنى بكدة
الحمد لله

ومرة قلت اختصر عمايل البيض المسلوق
قمت حطاه فى ماء ساخن مغلى
راح مكسور كله وكل القشر اتكسر
واترمى فى الحال لأخفى الفضيحة

بس كده مش فضايح ولا حاجه
حجات بسيطه اهيه[ندعوك للتسجيل في المنتدى أو التعريف بنفسك لمعاينة هذه الصورة]

اظن فضحت نفسى بنفسى

ميرسى رندتى على الدعوة الجميلة
اللى فكرتنى بحاجات والله كنت ناسياها
او بحاول اتناساها [ندعوك للتسجيل في المنتدى أو التعريف بنفسك لمعاينة هذه الصورة]
تسلمى يا قمر
واتمنى تكونو استمتعتو معايا

فى انتظار ضيف جديد
وفضايح اجدد

[/size]

[/center]

[/size][/center]

ههههههههههههههه بمناسبه انى انا اول وحده جاوبت يبقى هختار عضوو

Naughty Girl دى البنت دى اخترتها وياريت تدخل وتجاوب

هههههههههههههههه يابختك اصلا انتى بتعرفى تطبخى هههههههه لا رد جميل بجد يادندوش وياريت الكل يدخل ويورينا الفضايح بتعته

نورتى الموضوع

تمااااام اوى التوبيك .. بس ايه لزمة الفضايح دى يعنى

ع العموم حاضر يادندوش هجاوب ع الاسئلة وافضح نفسى بنفسى

1_ بتعرف تطبخ ولا لا؟
اممممم بعرف اطبخ واستاذة اوى ف الحوار ده

2_ ايه اكتر اكله بتحب تعملها بنفسك؟
انا عامة بحب اعمل حلويات اكتر من الاكل العادى
يعنى بحب اعمل كيك الشيكولاتة

3_ كام صنف بتعرف تطبخه وهما ايه؟
لا انا بعمل كل حاجة الحمد لله مش معقول هعد ده كله

4_ بتحب تفتكس اكلات وايه هى كل افتكساتك؟
هو على رأى دينا لو كلمة تفتكش دى معناها تخترع يبقى ايوة بحب اخترع جدا وبعمل حاجات تحفة

5_ لما بتطبخ بيبقى راى الناس ايه فى اكلك ؟
هههههههه بيعجبهم اووووى ودايما بيعذبونى وبيخلونى اطبخلهم علشان اكلى بيكون حلو

6_ ايه اكتر مشروب بتحب تعمل بايدك؟
هو عصير عبارة عن لبن وموز وفراولة انا بحبببببببه كتيييييييييير اوى وبحب اعمله دايما

7 _ بتحب المطبخ والطبخ وكده ولا مبتدخلهوش غير لما تكون مجبر؟
لا بحب المطبخ جدا وعايشة فيه طول اليوم
وبقول لمامتى انى هتجوز بإذن الله ف مطبخ بس مش عايزة باقى الشقة ف حاجة هههههههه

8_ اكيد كل واحد عنده زكريات مؤلمه مع المطبخ يعنى ولع فى حاجه كده يعنى ياريت تحكهلنا كلها؟
امممممم دايما بولع ف برادات الشاى زى دينا كدة علشان اكتر حاجة مش بحب اعملها هى الشاى مع أنى بعمله جامد اوى
ومرة كمان ولعت ف الباسكت وكان يوم تحفة الحمد لله

9_ نوادرك بقى مع المطبخ اللى كل ماتفتكرها تضحك وبرضه ياريت
تقولها كلها؟

هى مش نوادر كتييير بس مرة كنت بعلم صحباتى ازاى يعملوا كيك وكدة علشان هما خام خالص ف حوار الطبخ ده وبعدين طبعا هما لخبطونى وانا حطيت العجين ف صينية غلط وفضلنا ننقله من مكان لمكان بس ف الاخر بقى تمام شوية وفكرت اعمل بسيمة واعلمها ليهم هى كمان يعنى اكسب فيهم ثواب باظت منى وكان الناتج انها طلعت حجر وصلبة جدااااااا مش تنفع تتاكل ابدا وطبعا رمتها .. يعنى كل ده حصل علشان انا عندى مشكلة صغنونة هى انى مش بعرف اطبخ ابدا وفى حد معايا ف المطبخ يعنى لو بعمل اى حاجة وحد دخل المطبخ يبقى اكييييييد هتبوظ ومش هتكون تمام

تسلمى يا رانودة على التوبيك

وطبعا فى مثل بيقول طباخ السم لازم يدوقه

يلا ياراندا ورينا خبراتك الجميلة وجاوبى ع الاسئلة يا قمر

نايس توبيك

بس انا عايز حد يختارني عشان اوريكم الفضايح بجد

يالهوووووووووووووووى ع الاحراج يا ساره حرام عليكى والله

تسلمى ع ردك

تقبلت مرورك

1_ بتعرف تطبخ ولا لا؟

والله العظيم لا مش اوى ياعنى لسه صغيره ياعنى

2_ ايه اكتر اكله بتحب تعملها بنفسك؟المكرونه

3_ كام صنف بتعرف تطبخه وهما ايه؟ياعنى السلطه والمكرونه

4_ بتحب تفتكس اكلات وايه هى كل افتكساتك؟
بت منك ليها اه معناها تخترعى بالاسكندرانى لا مش بعرف اخترع

5_ لما بتطبخ بيبقى راى الناس ايه فى اكلك ؟عمرى ماعملت طبخ لحد ممكن لنفسى بس محدش ياكل منو علشان مش اتحرج

6_ ايه اكتر مشروب بتحب تعمل بايدك؟مشرووب البوريوباللين

7 _ بتحب المطبخ والطبخ وكده ولا مبتدخلهوش غير لما تكون مجبر؟بدخله وانا مجبره لما بكون لوحدى ف الشقه ومحدش يعملى حاجه

8_ اكيد كل واحد عنده زكريات مؤلمه مع المطبخ يعنى ولع فى حاجه كده يعنى ياريت تحكهلنا كلها؟اه اكيد فيه سبت الغاز مفتوح ونسيته خالص ورايحه اولع البوتجاز من على بعد النار ملت المطبخ وكل ماافتح التلاجه علشان اجيب حاجه كل الحجات ال قدام الحاجه دى تقع معرفش ليه بصراحه

9_ نوادرك بقى مع المطبخ اللى كل ماتفتكرها تضحك وبرضه ياريت
تقولها كلها؟عادى كنا مره انا واخويا لوحدينا ف البيت وماما موش موجوده وجعنا خالص لدرجه فظيعه قام قالى تعالى نخترع حاجه قام قعد يجيب دقيق ويحط سكر وملح وحجات كده ونشا وبعدين على انها كيك وبعدين جينا نفتح البوتجاز عليها مش لقينا ال عملاناه لزق ف الصنيه بس كده وبلاش احراج اكتر من كده

تسلمو يارب عى مروركو

ماشى ياهادى ولا تزعل انا اخترتك

هاااااااااااادى ورينا فضيحك

_ بتعرف تطبخ ولا لا؟
للأسف انا استاذ طبخ

2_ ايه اكتر اكله بتحب تعملها بنفسك؟
انا بأعرف اعمل كل انواع الحلويات واكتر حاجه الكيك الاسفنجي

3_ كام صنف بتعرف تطبخه وهما ايه؟
بأعمل كل الحلويات وبأعمل حوالي 20 صنف كدا
وهما السلطه وسلطه الطحينه وسلطه الحار وبأعمل حاجات كتير يعني

4_ بتحب تفتكس اكلات وايه هى كل افتكساتك؟
انا اكتر حاجه بأخترع فيها هي الحلويات الشرقيه وبأعمل اصناف جامده جدا انا وأبويا

وبنسميها بأسامنا

5_ لما بتطبخ بيبقى راى الناس ايه فى اكلك ؟
بيعشقوا اكلي طبعا و احلي اكل اللي بييجي م الشباب

6_ ايه اكتر مشروب بتحب تعمل بايدك؟

عصير البطيخ هاهاهاهاها

لا بجد انا بأعمل عصير مانجو رايق جدا

7 _ بتحب المطبخ والطبخ وكده ولا مبتدخلهوش غير لما تكون مجبر؟
انا بأموت في المطبخ و ما بأبعدشي عنه الا اما اكون مجبر
8_ اكيد كل واحد عنده زكريات مؤلمه مع المطبخ يعنى ولع فى حاجه كده يعنى ياريت تحكهلنا كلها؟

انا بقي كنت مره بأشوي لحم علي فحم يوم العيد اللي قبل اللي فات وكنت لابس كاب كنت لسه مشتريه قبلها بيوم ووقع مني ع الفحم واتحرق

ومره تانيه براد الشاي حبيت اعملها فيها عنتر ين شداد وأشيله من تحت وهو مولع فولع في ايدي

ومره تانيه كنت بأعمل بطاطس في الزيت ونسيت وما صفيتهاش وانا حطيطها من هنا

والدنيا ولعت من هنا

9_ نوادرك بقى مع المطبخ اللى كل ماتفتكرها تضحك وبرضه ياريت
تقولها كلها؟

لا مش فاكر والله

هههههههههههه ايه ده كله ايه ده كله

لالالالالالالالا ده انت كدة تتحسد ياهادى

ايه يابنى الروقان ده .. الكلام ده بجد ولا بتشتغلنا

طيب يابنى ما تعلم صاحبك وتكسب فيه ثواب ... الواد جمجمة الفاشل ده

كدة بقى يا راندا بقى شكلك وحــــــــــش اوووووووى هههههههههه بقى الواد هادى يطلع شاطر كدة وانتى لسه خام انا لو منك اخد دروس خصوصية ههههههههههههههه

ههههههههههههههه تسلموا على فضايحكم الجامدة دى

احم احم

لو حد طالب دروس خصوصيه

انا موجود واسعاري ضاربه كل السوق

الحصه بخمسين جنيه بس والله

والواد اكرم لازم يتعلم

انا بأعمل الشقه بتاعتي
واول حاجه هأعملها هي المطبخ واعلم الوله اكرم

عشان صعبان عليا

دا لو الحاج محمد اللي هو ابو اكرم

راجل كويس اه وكل حاجه

بس شكله قرب يطرد اكرم بره البيت

لو اتطردت يا اكرم

انا هأعدك معايا في بيتنا

واعلمك يا بوب

هههههههههههههههههه احرجتينى يابنتى والله

لا عادى مش مشكله هو يعمل الاكل واحنا ناكل ده بعد اذنه ياعنى ومش يخاف هندفعلوو

هو الدرس فين ؟؟؟؟

ياعم الحاج انت ياهاااااااادى اختار عضووووووووووو

ينهار ملحوووس يـا فضاايحكوا ...لا شكلكوا هتبقوا ستات بيوت جامدين أوووى ..

و النبـى شكل ال هيتجوزكوا يعينى عليه هيقضيـها ديــلفـرى على طووووووول لحد ما يقول حقى برقبتى و يووورح يجيب شغاله كوريه ضد الكسر و عليها شاحن هديه و إحتمال يتجوزها كمان علشان تعرف تعمله أكل و يطفح هاهاهاهاها ..و بعدين قلب الراجل معدته .. يعنى حلة محشى أحسن من ألف دبدووب هديه هاهاها أفهموا بقى .. و إختاار يـأ هادى العضو اللى بعدك ..

اكرم

سمع هوووووووووووووووووووووووووووووووووس

اكرم هيقول فضايحو هههههههههه

سمعنا سمعنا

اديلو يا واد وورينا يا عمنا

هاهاهاهاها ليه بقى دنا كنت فرحااااان فيكم ... هتفضحنى ليه .. أستر عليا هاهاهاها ..

1_ بتعرف تطبخ ولا لا؟
لا طبعاً إنتى بتشتميـنى ولا إيه هاهاهاها ..

2_ ايه اكتر اكله بتحب تعملها بنفسك؟
أنا مش بعرف أعمل حاجه أصلاً علشان أحبها بس لو هنقول بعمل حاجه و بحبها يعنى هقول السلطه .. أصلها الحاجه الوحيده ال بعرف أعملها هاهاها ..

3_ كام صنف بتعرف تطبخه وهما ايه؟
صفــر و إفتخـر [ندعوك للتسجيل في المنتدى أو التعريف بنفسك لمعاينة هذه الصورة]

4_ بتحب تفتكس اكلات وايه هى كل افتكساتك؟
لا بحب أخترع ولا نيله علشان بفرقع البوتاجاز لما باجى جنبه بس .. فى عداوه ما بينى وبينه ..

5_ لما بتطبخ بيبقى راى الناس ايه فى اكلك ؟
كميــل أوووى .. بيكلوووو رجليهم ورااه ..هههه

6_ ايه اكتر مشروب بتحب تعمل بايدك؟
عصيــر الميه الساقعه .. و الحمد لله بعمله جميل أووى هاهاهاها..

7 _ بتحب المطبخ والطبخ وكده ولا مبتدخلهوش غير لما تكون مجبر؟
ولا مجبر ولا بدنجان مش بدخله إلا لما أكون جعان ولا عايز أسرق أكل من ماما و هيا مش واخده بالها .

8_ اكيد كل واحد عنده زكريات مؤلمه مع المطبخ يعنى ولع فى حاجه كده يعنى ياريت تحكهلنا كلها؟
أها ..لما كنت جعااان أووى و قولت أعمل فيها أبو العررررريف و جيت أعمل بطاطس شيبسى
الزيت جه عليا بوظلى التيشيرى وكان هيولع فيا ..

9_ نوادرك بقى مع المطبخ اللى كل ماتفتكرها تضحك وبرضه ياريت
تقولها كلها؟
... مفيــش و الحمد لله ...

بس كده مش فضايح ولا حاجه
حجات بسيطه اهيه[ندعوك للتسجيل في المنتدى أو التعريف بنفسك لمعاينة هذا الرابط]
دا إنتى مرمتى بكرامتى الأرض هااهاهاها علشان أنا حمااااار مطبخ و ال هتتجوزنى هتقرف منى بقى الله يكون فى عونها

هههههههههههه
يا عيني ع الفضايح بتاعتكم

هههههههههههههههه يالهوى طيب دى فضايح ودى

ومال ال انا فيه ده ايييييييييييييييييييييييه؟

لا بس فضايح جميله

تقبلت مرورك

ياعمنااااااااااااا انت اختار عضوووووووو

اهاااااااااااااااا

حـاضـر يــا خــالتى أنا هختــار

هختــار

عنيـده قتليـااً

احممممممممم
أنا جيت ،،،
ميرسي ع الاختيار ،،
أنا أساسا مش بدخل المطبخ خالص

المهم ،،،

إجاباتي ::

1_ بتعرف تطبخ ولا لا؟

ده سؤال ،،
أكيد مش بعرف

2_ ايه اكتر اكله بتحب تعملها بنفسك؟

أنا مش طبخ لنفسي أصلا ،،
بس لو حصل ممكن بيض

3_ كام صنف بتعرف تطبخه وهما ايه؟

و لا صنف خالص

4_ بتحب تفتكس اكلات وايه هى كل افتكساتك؟

مش بفتكس
لأنه لو حصل البيت هيتحرق !!!

5_ لما بتطبخ بيبقى راى الناس ايه فى اكلك ؟

بيتأكدوا أن الدكاترة فتح عيادتها عشان لو حصل حاجة

6_ ايه اكتر مشروب بتحب تعمل بايدك؟

الشاي ،،
الشوكلاتة

7 _ بتحب المطبخ والطبخ وكده ولا مبتدخلهوش غير لما تكون مجبر؟

لا بكره أي حاجة ليها علاقة بالطبخ
و الحمد لله عندي أخوات بيدخلوه

8_ اكيد كل واحد عنده زكريات مؤلمه مع المطبخ يعنى ولع فى حاجه كده يعنى ياريت تحكهلنا كلها؟

حاولت مرة اعمل كول سلو
و الحمد لله طلع حلو أوي

9_ نوادرك بقى مع المطبخ اللى كل ماتفتكرها تضحك وبرضه ياريت
تقولها كلها؟

معنديش نوادر
لأنه لو عندي مش كنت هبقى اقعده اكلمكوا

كفاية فضايح كده
و ميرسي ع الاختيار

</SPAN>

</SPAN>
أنا مش عارفة مين اللي جاوب قبل كده
بس هختار Dina

هههههههههههههههههههههه تبعى ياعنى يا عنيده

لا بس دينا جاوبت قبل كده والحمد لله بتعرف تبطبخ وليها مستقبل

تقبلت مرورك

أنا مش ليا مستقبل في الطبيخ خالص
و طالما دينا جاوبت ،،
اختاري أنتي شخص ،، ممكن

» شعر عن الحب بس بيضحك مووووت ادخل و شوف بنفسك
» انت مين ؟ ( بطـــــاقة حب ) على جميع اعضاء قسم الحب والرومانسيه الدخول عرفنا بنفسك
» حصريااا جنات انا دنيته ريمكس جديد نار من دجى الماجيك اسمع و احكم بنفسك
» هل تعلم متى تبكي على نفسك
» أذا لم تجد من يسعدك فحاول أن تسعد نفسك