ليه تظن سكوتى ضعف

ليه تظن سكوتى ضعف..
ليه تظن الصمت خوف..
لك بدال الغلطه الف..
وسيئاتك بالالوف..

يعنى صمتى مش هوان..
أو دا عجز عن الكلام..
كل وقت وله آوان..
لما أتكلم تشوف..

الكلام مش بس صوت..
وحس عالى ترفعه..
فى كلام له حكم مووت
الف معنى يوصله..
يعنى أنا مش ساكته خوف..
صمتى أقوى م الحروف..

أنت مين أدالك الحق تحاسبنى..
أنت مين قالك تعالى ف يوم عاتبنى..
مين فتحلك سكه تتحكم..جاوبنى..
السكوت دا عشان بأقول يمكن حاببنى..
مش دا خوف انك ف يوم ممكن تسيبنى..
أو كسوف اصرخ واقول هواك تاعبنى..

طول العشره..واملى ف بكره
الاقيك عادى وأتغيرت..
وحكمك فيه..ولومك ليا..
يكون حنيه وحب بجد..
انا مش راضيه على افعالك..
ولا يعجبنى يكون كده حالك..
لسه بحبك وبقولهالك..
كنت مثالى ..ايه بقا مالك..

خليك باقى.. وصون حتلاقى.. وماتضيعش..
احفظ ودى ..وخاف على عهدى.. وماتفرقش..
صعب تقابل حب جديد..
صعب تقابل قلب حديد..
صعب تلاقى حد ف صمتى مايتكلمش

احساس رائع

من انسانه حساسه

تسلم ايديكي

تسلم انت ياهادى على مرورك

تشرفت بمرورك

نورت الموضوع