للبنات فقط وممكن الشباب يستفيدو

كان فى فيلم اسمه ازاى تخلى البنات تحبك
سيبكوا منه
دى نصايح للبنات عشان الولاد يحبوهم
ده على اساس انهم مغمضين
قطط مغمضه

أولا : الولد بيحب البنت الرقيقة
رفعوا صوتكم يا بنات . و أول ما تشوفى حاجه وحشة .. سورقى (يغمى عليكى) من كتر الرقة . عيطى كتير . العياط دليل على الاحساس المرهف . أوائى له .. نكدى عليه الليلة

ثانيا الولد بيحب البنت الرومانسية
سبلى له . اسرحى كتير كلميه عن القمر و حاجات من دى . لازم تكونى هيمانه و انتى بتتكلمى . و يكون صوتك واطى .. وشوشة

ثالثا : الولد بيحب البنت المؤدبه
قولى له انه اول واحد فى حياتك حتى لو كنتى متجوزة قبل كده و حامل فى توأم.. و لو سأل على انتفاخ بطنك قولى له كيس دهنى و لو عارف و متأكد انه كان لك علاقات كثيرة مثله :دى كلها اشاعات ده هما اللى كانوا معجبين بيا لكن انا ولا سألت فيهم كلهم

رابعا : الولد بيحب البنت الاستايل style
كل ما تشوفى حاجه جديدة قلديها . يقولوا الموضه الشعر الاصفر .. اضربيه اصفر .. الموضه القصير .. قصريه .. مش مهم شكلك ايه .. ماتصدقيش اللى تقولك ما تخديش من الموضه الا اللى يناسبك .. دى بتغير منك و مش عايزاكى تبقى على الموضه .
ملحوظه : لو مش عارفه ايه الموضه اختارى لك واحدة معينة او مذيعة و قلديها .. خليكى نسخة منها

خامسا :الولد بيحب البنت الدلوعة
ادلعى ياختى انت و هى . ما تبقوش دكر

سادسا : الولد بيحب البنت الجذابه اللى بتكون محور اهتمام الآخرين
فهميه ان في آخرين كتير معجبين بيكى و قولى له : ارجوك اوعى تغير انا حواليا كتير . ولا بيهمنى أبدا منهم ايه يعنى اكون حلوة فى عينهم . ألفى قصص وهمية عن الأولاد الهيمانين فيكى و اللى انتى مدوخاهم بسحرك و جمالك .

سابعا : الولد بيحب البنت اللى بتحسسه برجولته و تحسسه بنفسه
ايه ده ! .. ايه العضلات دى كلها .. دى احلى عضلات شفتها فى حياتى .. يا سلام !! ايه الشياكة دى كلها . انت أشيك ولد شفته فى حياتى ..(مش مهم هو لابس ايه . انبهرى و خلاص ) . يا سلام !! انت تقاطيع وشك حلوه بشكل ( حتى لو كانت ملخبطه ) و طول مانتى قاعده اشكرى فيه خليه كده قاعد نافش ريشه . و فرحان بنفسه

ثامنا : اتمحكى فيه ( الزقي له )خليكى دايما معاه
كل شويه كلميه فى التليفون بأى حجة . قابليه فى كل حته يروحها . إعملى عليه كماشة . بحيث مايعرفش يفلفص منك و لا يشوفش غيرك ادامه

النتيجة :
لو الولد وقع فى دباديبك و قال عاوز يرتبط بيكى : اوعى تقولى ايوه ! لااااا .. اتقلى شوية . اعملى نفسك يتفكرى .. سهريه .. لوعيه .. بهدليه .. لكن ماتتقليش العيار ليطير منك .

لو الولد ما سألش فيك و لا عبرك . و لا أخد باله منك أصلا
يبقى بنت تانيه سبقتك ليه .
ملحوظة : كررى الخطوات من 1 - 8 مع ولد تانى بعد جمع معلومات و عمل تحريات عنه و التأكد من انه فاضى . غير مرتبط .. و ربنا يوفقك

ههههههههههههههههه يــأ بنى إحنا قــاعدين فــ معمل .. لا سيبك إنتا

أصلـــى و ربنــا يــا صحبى بس إنتا جبت المهم المختصر المزيد يعنى هههههههه ...

عشان قولت حكاية تقل البنات دى البنات بيتقلووو لدرجه كبيره بتخلى ال أدامهم يمشى

أو يهرب منهم على الرغم من أنهم بيبقوا بيحبوووه و الله بس بتتقلى على إيه مش عــارف

أنا مقوولتش أنك تسيبيلوووه نفسك لآ .. بس كله يبقا بحســاب و ربنا يوفق الجميـــع

تسلم إيديك يـــا معلم .... الله ينوور يـــا فرندى ... و وااااصل هتبقـى تمــام

يـــا جمــاعه البنت عمرهــا مـــا كــانت حـقـل تجــارب ....

ولو كـن حد فــاهم كدا يبقا غلطــان و على فكره برضه الموضوع جميل و كوويس ...

بس أى أتنيين بيحبوا بعض مش محتاجين للكلام دا و لكن برضه مفيش مــانع الواحد يعرف كل حاجه عن اللى بيحبه ههههههه بالذات نقـاط ضعفه ...

تقبل مروورى يــا لــوكـــا 0000 و ربنـــا معــاك

» اسئله حساسه جدا..((للبنات والشباب))..
» :: ممنوع للبنات في 14 نوفمبر :: (( إستاد الجحيم للشباب فقط ))
» الانفجار الدولى من دى جى وزه ..مهرجان نفض للبنات..هيقلب الدنياا..
» سؤال محرج للشباب ويسمح للبنات الدخول للتشجيع فقط
» انواع الشباب عندالاشاره