خليك بطاطس .. مستقل بيها ؟؟ ادخل واعرف قيمتها

عارفين ليه البطاطس المحمرة هية الاكلة الوحيدة اللي اجتمع الناس كلهم علي حبها ؟

1- البطاطس المحمرة لما بتتقلي في الزيت بتبقي عادة مقرمشة من برة و طرية من جوة -عشان كدة لما حد يعمل معاك موقف سخن اوي ماتعملهوش وحش اوي .. ايوة حاسسه انك زعلان منه و خد موقف بس خلي قلبك ابيض و وطري "طيب يعني " مش ناشف و سامح عشان ربنا بيسامح .

2-البطاطس المحمرة تلاقيها عند ماكدونالدز ( فرينش فرايس) و برضه تلاقيها عند بتاع الفول والطعميه يعني انت كمان خليك زي البطاطساية ماتتكبرش علي حد وصاحب كل الناس غني او فقير

3-البطاطس المحمرة بتتقدم مع حاجات كتير :مايونيز , كاتشب ,صالصات مختلفة و ساعات كمان طحينة بس بتفضل في الاخر اسمها بطااااطس -يعني مهما اتعرضت لثقافات و بيئات مختلفة احتفظ دايما بشخصيتك المستقلة و طريقة تربيتك و خلي الناس هية اللي تتاثر بيك

4-البطاطس كمان ممكن تبقي شيبسي و هي اول حاجة بنفكر فيها لما بنحس بالجوع و احنا برة البيت - ساعد الناس دايما و خليك اول واحد ييجي علي بالهم لما يقعوا في مشكلة خليك جدع زي "الشيبسي"




5-البطاطس المحمرة لو اتهرست بتبقي كمان طعمها حلو و ممكن نسميها "بطاطس بيوريه" -مهما الدنيا تهرس و تبهدل فيك خليك شخص كويس و لذيذ و طلع للدنيا لسانك و قول "انا بطاطساية بيوريه"


عشان تبقي محبوب من كل الناس خليك بطاطس

مجهود رائع يا Esraa وتقبلى مرورى
اتارى البطاطس دى جامدة واحنا منعرفش وانا بقول هى غليت ليه اليومين دول
وأكيد بعد اللى قريته ده أنا نفسى أكون بطاطساية