معا من اجل دملو

السلام عليكم ورحمه الله وبركاته
فى بادىء الامر انا بشكركم جدا على المجهود المبذول فى هذا المنتدى ...
بدون مقدمات ...
اتمنى ان الناس تكون سمعت عن بارقه الامل اللى بدأت تظهر من اهالى وشباب دملو فى محاوله منا للارتقاء باحوال البلد التى اصبحت فى ادنى مستوياتها ..
اتجمعنا على مدار الجمعتين اللى فاتو .. اول مره كنا حوالى 20 وتانى مره كنا حوالى 50 من اهالى دملو الحريصين على مصلحتها ... مكدبش عليكو كان فى سلبيات كتير ... بس الايجابيات كانت اكتر بكتير ما توقعنا ...
كفايه اننا كسرنا حاجز الصمت الرهييب اللى البلد كانت فيه ..

المهم اننا يوم الجمعه الجايه ان شاء الله .. فى اجتماع موسع .. مدعو اليه كل اهالى دملو .. شبابها ورجالها وشيوخها ... وهتلاقو الفتره الجايه دى الدعايه بشكل اقوى شويه ... اتمنى من كل واحد نفسه يساعدنا فى الارتقاء باحوال البلد يشرفنا بعد صلاة العشاء فى مركز شباب دملو للنقاش .... الدعوه عااامه

أعتقد أن اولى الإهتمامات الأن هى الحصول على اعداد فعلية وصحيحة
بمن هم فوق سن 18 عاما بالقرية ولهم حق التصويت فى الانتخابات
ليتم تكوين وتقسيم الاعداد الى مجموعات يتم التنسيق بينها ليصبح لها رؤساموجهه
ليكون للبلد دور فعلى وقوى فى اى انتخابات قادمه

فكره حلوه طبعا يا دملاوى ..
احنا اتكلمنا فى ده .. وقلنا اننا هنوحد اتجاهاتنا .. بمعنى اننا هنشوف اى برنامج انتخابى اقوى وفى مصلحه البلد كلها وكلنا هننتخبو لسببين ...
الاول اننا كده هنكون قوه كبيره جدا فى الانتخابات بعدد اصوات كبير هينجح اللى هننضملو ...
تانى حاجه .. كده المرشحين هيعملو اى حاجه نحتاجها عشان ميخسروش اصوات البلد كلها ...

ومنلاقيش كل واحد فى البلد ساحب مرشح معاه .. مالوش اى لازمه طبعا ...

مصلحه البلد هتكون فوق مصلحه الجمييع ...

وموضوع الحصر ده مهم اوى يا دملاوى .. مش عشان انتخابات بس .. عشان يكون عندنا حصر للكوادر اللى فى البلد واللى تقدر تفيد البلد فى كل المجالات ...

اتمنى من الناس التفاعل عشان ننقل البلد ونرجعها بجد بلد العلم والقران