♥ ♥ .. بنـــات آخـــر شقــاوة .. ♥ ♥ مـن الحلقـه الثــانية عشـر إلـى الحلقــه الـرابـعة عشـر

الحلقة الثانية عشر

*******

مازن: عشان انا بحبك يا ملك

نظرت اليه ملك مذهوله وان كانت تحس به وكانت نظراتها له افصح من الكلام نظراتها تقول وانا كمان بحبك بس انا هبعد
مازن:انا ..أنا اسف اوى يا انسه ملك ان كنت ضايقتك
رجعت ريتاج الغرفه ومعاها العصير ومشى مازن بسرعه وكان هيكب اللى فـ الكوبايات على ريتاج
ريتاج:ماله ده
ملك:هة معرفش
ريتاج :قوليلى ايه اللى حصل بينكم
ملك بغضب :انتِ ازاى توقعينى فـ الموقف السخيف ده معاه
ريتاج:مكنش قصدى والله...قوليلى بس قالك ايه
ملك ومازالت فى نفس حاله الذهول:قالى بحبك
ريتاج:ايه قالك بحبك بجد...وانتى رديتى قلتى ايه
ملك فـ نفس حاله الذهول :انا مردتش
ريتاج:مردتيش ...ليه
فوقت ملك نفسها وقالت:ارد ازاى وحب ايه ده اللى هيكون وانا مسافرة
ريتاج:طيب وانتى بتحبيه
ملك:يعنى منكرش انه لمس مشاعرى اوى بقصيدته دى واعجبت بيه جدا ولما قالى بحبك كان نفسى اقوله وانا كمان بحبك
ريتاج:ها كملى كملى
ملك:انتى بتتريقى يابت
وقامت وخدة المخدة اللى على سرير ريتاج وريتاج اخدت التانيه واعلنوالحرب

&&&&
مازن رايح جاى فـ غرفته يلوم نفسه:ازاى ازاى قدرت اقولها كده
ياغبى مفكرتش انك ممكن تضايقها زى اللى حصل
بس عنيها كانت بتقول انها هى كمان بتحبنى بس لولا الظروف
ليه ياربى بس كده يعنى افضل احبها 4 سنين ويوم ما اقولها انى بحبها متردش عليا
غباء غباء انا غبى ومستهلهاش بس انا حسيت انها هى كمان بتحبنى معقوله كنت بتخيل يوووووه
ضعيت كرامتى فـ الارض وبقيت قدمها معنديش كرامه قدامها يووووووو بقى
ياناس ياعالم هتجنن

&&&&
احمد:على هو انا باين عليا انى حبتها فعلا
على: انا مش بهزر يا احمد باين عليك جدا
احمد:مش هينفع احبها انا مش عايز اتجرح تانى
على:احمد ريتاج مش زى التانيه ريتاج مش ممكن تتقارن بيها
احمد:وانا عارف ده كويس بس جوايا خايف مش عارف ليه
على:انت حبتها صح ولا انا غلطان
احمد:اه حبتها
على:خلاص روح قولها بحبك وشوف هتقول ايه
احمد:بس .......خلاص انا هقولها......طيب وشاهى
على:شاهى مالها
احمد:لا ملهاش بس حاسس كده ان فيه موضوع مخبيه
على:لا ولا موضوع ولا غيره
احمد:عليا
على :لا يا احمد مفيش حاجه
احمد:اوكى
&&&&

روحت ملك من عند ريتاج وبعد ماروحت طلعت غرفتها وحضنت الدبدوب اللى على سريرها
وقعدت تفكر فـ مازن كتير وبعدين قطعت تفكريها فـ مازن وفكرت فـ والدها
ونزلت دمعه ساخنه على خدها وهى بتفكر طب لو مش لاقيته هعمل ايه
هفضل طول عمرى معرفش مين بابا طيب ولو عرفت وطلع متوفى هعمل ايه
يوووووووو نفسى اشوفك واكلمك يابابا بس ازاى عامة مدام هو رجل اعمال مشهور وعنده شركتين يبقى اكيد هلاقيه بسرعه يــــــــــــــــــــارب

&&&&
نروح لشاهى شويه
قعدت شاهى تتفرج ع التلفزيون وبعدين لما لقت فتحيه وابنها نايمين قامت تكلم والدتها فـ التليفون
الام:الو
شاهى:ايوة يا ماما ازيك وحشانى اوى
الام:شاهى حبيبتى ازيك اخبارك ايه انتى كمان وحشتينى اوى كل ده ومش تسألى على امك
شاهى:انا الحمد لله ياماما والله ياماما مش عارفه اكلمك خالص ما انتى عارفه المخروبه اللى متجوزها بابا اللى جوة دى مطلعه عينى
الام:مطلعه عينك ازاى يعنى شاهى لو عايزة تيجى تعالى عيشى معايا
شاهى:لا ياماما انا مقدرش اتحمل نظرات جوزك ليا اكنه بيطردنى هنا ارحم
الام وهى بتعيط:بقى بعدك عنى يا شاهى ارحم
شاهى :ونبى ياماما مش تعيطى عشان خاطرى عشان مش اعيط انا كمان وانا مش قصدى كده وانتى عارفه ياماما جوزك نظراته مش قادرة استحملها
الام ومازالت بتعيط:انا حزينه ياشاهى لانى مش عارفه اقابلك ولا اخدك فـ حضنى زى زمان
شاهى وفـ عينها دموع وكلامتها تخرج رغم عنها بها رنه باكيه:انتوا السبب فـ اللى احنا فيه ده انتى وبابا مش كنتوا بتتفقوا على حاجه ابدا
الام:لا شاهى ابوكى هو اللى اضطرنى انى مقدرش اعيش معاه بعد العذاب اللى عذبه ليا
شاهى :طب وانا محدش فيكم فكر فيا

جت فتحيه وهى بتزعق:ايه ده يابت انتى بتكلمى امك من ورايا نهارك اسود

الحلقة الثالثة عشر

*****
جت فتحيه وهى بتزعق:ايه ده يابت انتى بتكلمى امك من ورايا نهارك اسود

سمعت الام الصوت فقالت: الو الو ..ِشاهى ..يابنتى ردى ...الو
فـ البدايه شاهى خافت وبعدين قالت:وانتِ مالك هو الواحد ميعرفش يتصرف هنا براحته شويه
فتحيه:براحتك ده ف بيت امك يا روح امك
شاهى:احترمى نفسك ومتتكلميش على ماما كده انتى فاهمة
فتحيه وهى بتضحك سخرية:ماما ههههههههه ده من امتى
نظرت اليها شاهى بأستغراب :هو ايه اللى من امتى ما انا طول عمرى كده
شدت فتحيه منها السماعه :هاتى السماعه دى
وقامت قافله بعنف شديد جدا
شاهى:ايه ده انتى بتقفلى فـ وش ماما ...انت اتجننتى يا ست انتى
فتحيه:انا اتجننت يابت ...
شاهى مقاطعه:بصى بقى انا استحملتك كتير وفـ اقرب فرصه همشى من البيت ده وهسبلك الجمل بما حمل
فتحيه:ولا هتقدرى تروحى فـ حته ..ايه هتنامى فـ الشارع
شاهى :هتشوفى
دخلت شاهى غرفتها وهى تعزم على انها تذهب للبيات عند ملك او ريتاج كام يوم لغايه ما تاخد فلوس من مامتها وتسكن فـ اوتيل
اتصلت بملك من على الموبايل
ملك:ايوة ياشاهى
شاهى:ازيك يا ملك
ملك:الحمد لله اخبارك انتِ
شاهى :تمام ...بقولك انا عايزة اقولك حاجه بس محرجه منك
ملك:محرجه منى ليه يعنى يابنتى قولى مفيهاش حاجه احنا اصحاب ولا ايه
شاهى:انا ينفع اجى اقعد عندك يومين تلاته
ملك:اه طبعا ينفع ...بس ليه
شاهى:مدام قلتى ليه يبقى مش هينفع
ملك:عيب عليكى عادى انا بسأل بس
شاهى:طيب فتحيه مطلعه عينى وانا قلتلها هسيب البيت هى قالت مش هتقدرى فـ عايزة اثبت لها كده
ملك:خلاص تنورى يا شاهى ...ها هتيجى امتى عشان اقول لماما
شاهى :ينفع دلوقتى
ملك :اه ينفع تعالى
شاهى :بجد شكرا يا ملوكه
ملك:بقولك ايه اتصلى بريتاج خليها هى كمان تيجى وتكمل القعده
شاهى:اوكى...سلام
ملك:سلام

&&&&
اول ما مشيت ملك مسك مازن ريتاج اسئله:هى قالتلك ايه
ريتاج:انت اللى قولتلها ايه ياخويا
مازن:هى مقلتلكيش
ريتاج:لا طبعا قالت انك قلتلها بحبك ...وايه الطريقه العبيطه اللى انت مشيت بيها دى
مازن:بت لمى نفسك ...طب وهى مردتش ليه مش قالتلك
ريتاج:قالت انها مش عايزة تبدأ علاقه حب وهى مسافرة رغم انها اعجبت بيك
دق قلب مازن بشده وهو يقول:اعجبت بيا ...بجد
ريتاج:اه بجد
مازن:طيب
ومشى وسابها

&&&&
ووصلوا البنتين عند ملك واستقبلتهم طبعا بعد ماكانت قالت لمامتها وباباها
ولما طلعوا غرفه ملك
ريتاج:تعرفى يا شاهى ملك كانت عندى امبارح
شاهى:بجد ..من غير متقولولى يا ولاد اللذينه
ملك:ما انتى كنتى جايه من غير متقولى لريتاج
شاهى:والله مبرر ده بقى
ماشى ياست ملك هنعديها المرة دى ... بس روحتى ليه
ملك:عادى ريتاج عزمتنى فرحت ...وبعدين مازن كلمنى
شاهى:مازن اخوها ...كلمك ليه
حكت ملك كل شئ لشاهى وقالت :بس ياستى هو ده اللى حصل
شاهى:امممممممممم.....وانتى يا ست ريتاج كنتى عارفه اكيد من زمان
نظرت لها ملك:كنتى عارفه
ريتاج:بصراحه انا لسه عارفه امبارح بس لكن عرفت قبل ما ملك تيجى
ملك:طيب وليه مش قلتى قبل ما اجى عندك
ريتاج:هو قالى لو قلتلك هيزعل منى وقال لازم هى تحس بيا او انا اقول لها بس حصل اللى حصل
ملك وهى سرحانة:طيب
شاهى تنظر لملك ثم لريتاج وتنفجر شاهى وريتاج فـ الضحك
ملك:بتضحكوا على ايه يا زباله انتى وهى
شاهى :خلاص مش قادرة امسك نفسى
قامت ملك واخده دبدوبها وضربتها بيه

الحلقه الرابعه عشر

ملك:بتضحكو على ايه يا زباله انتى وهى
شاهى :خلاص مش قادرة امسك نفسى
قامت ملك واخده دبدوبها وضربتها بيه
ملك:طيب هو قالك ايه بعد ممشيت
ريتاج:سألنى مردتيش ليه
ملك : ها قلتى ايه انتى طيب
ريتاج:قلتلو هى مش عايزة تكون علاقه حب دلوقتى عشان مسافرة
ملك:كلمى قال ايه
ريتاج:مفيش سكت ولما قلتلو رغم انها اعجبت بيك كرر كلامى ومشى
ملك:يازباله بتقوليلو انى اعجبت بيه عيله زباله والله
ريتاج وهى تغمز:والله يعنى مش كنتى عايزانى اقول ليه
وشاهى قاعده تضحك كل ده
وملك مردتش

نروح لوليد قعد وليد على الاب توب وهو بيشرب سيجارة وبيكلم اصحابه ف امريكا على الفيس بوك
وليد بالانجليزى:بس هو ده اللى حصل مع البت المفعوصه دى وانا عرفت بيتها بس مش عارف يا باشا اعمل ايه معاها
صاحبه بنفس اللغه:يعنى انت عايز تعمل معاها ايه جامد يعنى ولا خفيف خفيف
وليد :لا عايز أذيها جامد
صاحبه:طيب هى شكلها ايه..موزة ولا
وليد:عيب عليك وانا اعاكس واحده مش موزة ..دى صاروخ يابنى والبنتين اللى كانو معاها كده برضو
صاحبه:اممممممممممم …طيب هقولك انا ..طيب متضحك عليها وتميل قلبها بكلمتين
وليد:منا فكرت ف كده برضو بس شكل الولدين كانو يعرفوها وحد منهم كان بيحبها معرفش
صاحبه:طيب متاخدها منه
وليد:انا مش متأكد اصلا
صاحبه:خلاص ف الحالتين ميل قلبها وخلاص
وليد:بس انا مسافر كمان اسبوعين
صاحبه:منتا هنا بتوقع 50 بنت وبتسبهم ف اقل من اسبوعين ..عادى يعنى
وليد:امممممممم خلاص هو مفيش غير كده

راحت البنات المطعم واحمد وعلى كانو هناك
قعدو على طاوله وطلبو مشروبات
نظرت ريتاج لاحمد الذى كان ينظر اليها ايضا وبعدين هما الاتنين ودو كل واحد وشه الناحيه التانيه
ونظر على لشاهى التى لم تعبره اصلا ولو حتى بنظرة وكانت مشغوله مع ملك
جه احمد قام بسرعه من غير ميقول لعلى وراح لريتاج :ازيكو يا بنات …ريتاج عايزك ثانيه
ريتاج: فيه ايه يا احمد مالك ..متقول
احمد:لا عايزك لو سمحتى
قامت ريتاج وقعدو على طاوله تالته ف نفس الوقت اللى ه على فيه للبنتين
قالت شاهى:ازيك يا على ..احمد ماله
على :الحمد لله…معرفش والله قام من غير ميفهمنى
نروح لاحمد وريتاج
ريتاج:مالك يا احمد فيك ايه
احمد:ريتاج انا عايز اقولك حاجه مهمة
دق قلب ريتاج بسرعه بدون ان تعلم السبب :فيه ايه ..قول
احمد:انا بحبك
لم ترد ريتاج ونظرت الى الارض وطالت فترة سكوتها
مسك احمد ايدها وقال :ريتاج انا مكنتش اتصور انى احبك وكنت بكابر بس بجد مش قادر ابد عنك
نظرت اليه ريتاج ولم ترد عليه
قال:افهم من كده انك بتفكرى ولا موافقه ولا رافضه
سحبت ريتاج ايديها بحنيه وقالت :احمد انا ..انا
احمد :انتى ايه
ريتاج:انا لازم امشى
احمد:يعنى ايه طيب اوعدينى انك هتفكرى
ريتاج:حاضر هفكر
احمد بتنهيده:ان شاء الله تفكيرك يكون ف صالحى
ريتاج:ان شاء الله…انا هقوم
احمد :طيب انا جاى معاكى
وقام احمد وريتاج وراحو ف نفس الوقت اللى على كان فيه بيقول نكت وقاعدين يضحكو
احمد:ممكن افهم بقى بتضحكو على ايه
على :عادى بقول نكت
احمد:يعينى عليكو الواد ده نكتو بايخه
على : كده يا احمد
ونظر احمد لريتاج التى مازال وجهها احمر من الخجل ثم قالت هى :يلا بقى مش هنمشى
احمد:ليه …قصدى طيب اوك
فهمو البنات قصد ريتاج فقامو وقالو سلام بقى
خرجو وقالت ملك:ايه ايه كان عايز ايه
ريتاج:قالى بحبك
شاهى :بجد وانتى قلتى ايه
ريتاج:انا قلتلو انا لازم امشى ..فقام قايل اوعدينى تفكرى وقلت اوعدك

الحلقه الرابعه عشر

ملك:بتضحكو على ايه يا زباله انتى وهى
شاهى :خلاص مش قادرة امسك نفسى
قامت ملك واخده دبدوبها وضربتها بيه
ملك:طيب هو قالك ايه بعد ممشيت
ريتاج:سألنى مردتيش ليه
ملك : ها قلتى ايه انتى طيب
ريتاج:قلتلو هى مش عايزة تكون علاقه حب دلوقتى عشان مسافرة
ملك:كلمى قال ايه
ريتاج:مفيش سكت ولما قلتلو رغم انها اعجبت بيك كرر كلامى ومشى
ملك:يازباله بتقوليلو انى اعجبت بيه عيله زباله والله
ريتاج وهى تغمز:والله يعنى مش كنتى عايزانى اقول ليه
وشاهى قاعده تضحك كل ده
وملك مردتش

نروح لوليد قعد وليد على الاب توب وهو بيشرب سيجارة وبيكلم اصحابه ف امريكا على الفيس بوك
وليد بالانجليزى:بس هو ده اللى حصل مع البت المفعوصه دى وانا عرفت بيتها بس مش عارف يا باشا اعمل ايه معاها
صاحبه بنفس اللغه:يعنى انت عايز تعمل معاها ايه جامد يعنى ولا خفيف خفيف
وليد :لا عايز أذيها جامد
صاحبه:طيب هى شكلها ايه..موزة ولا
وليد:عيب عليك وانا اعاكس واحده مش موزة ..دى صاروخ يابنى والبنتين اللى كانو معاها كده برضو
صاحبه:اممممممممممم …طيب هقولك انا ..طيب متضحك عليها وتميل قلبها بكلمتين
وليد:منا فكرت ف كده برضو بس شكل الولدين كانو يعرفوها وحد منهم كان بيحبها معرفش
صاحبه:طيب متاخدها منه
وليد:انا مش متأكد اصلا
صاحبه:خلاص ف الحالتين ميل قلبها وخلاص
وليد:بس انا مسافر كمان اسبوعين
صاحبه:منتا هنا بتوقع 50 بنت وبتسبهم ف اقل من اسبوعين ..عادى يعنى
وليد:امممممممم خلاص هو مفيش غير كده

راحت البنات المطعم واحمد وعلى كانو هناك
قعدو على طاوله وطلبو مشروبات
نظرت ريتاج لاحمد الذى كان ينظر اليها ايضا وبعدين هما الاتنين ودو كل واحد وشه الناحيه التانيه
ونظر على لشاهى التى لم تعبره اصلا ولو حتى بنظرة وكانت مشغوله مع ملك
جه احمد قام بسرعه من غير ميقول لعلى وراح لريتاج :ازيكو يا بنات …ريتاج عايزك ثانيه
ريتاج: فيه ايه يا احمد مالك ..متقول
احمد:لا عايزك لو سمحتى
قامت ريتاج وقعدو على طاوله تالته ف نفس الوقت اللى ه على فيه للبنتين
قالت شاهى:ازيك يا على ..احمد ماله
على :الحمد لله…معرفش والله قام من غير ميفهمنى
نروح لاحمد وريتاج
ريتاج:مالك يا احمد فيك ايه
احمد:ريتاج انا عايز اقولك حاجه مهمة
دق قلب ريتاج بسرعه بدون ان تعلم السبب :فيه ايه ..قول
احمد:انا بحبك
لم ترد ريتاج ونظرت الى الارض وطالت فترة سكوتها
مسك احمد ايدها وقال :ريتاج انا مكنتش اتصور انى احبك وكنت بكابر بس بجد مش قادر ابد عنك
نظرت اليه ريتاج ولم ترد عليه
قال:افهم من كده انك بتفكرى ولا موافقه ولا رافضه
سحبت ريتاج ايديها بحنيه وقالت :احمد انا ..انا
احمد :انتى ايه
ريتاج:انا لازم امشى
احمد:يعنى ايه طيب اوعدينى انك هتفكرى
ريتاج:حاضر هفكر
احمد بتنهيده:ان شاء الله تفكيرك يكون ف صالحى
ريتاج:ان شاء الله…انا هقوم
احمد :طيب انا جاى معاكى
وقام احمد وريتاج وراحو ف نفس الوقت اللى على كان فيه بيقول نكت وقاعدين يضحكو
احمد:ممكن افهم بقى بتضحكو على ايه
على :عادى بقول نكت
احمد:يعينى عليكو الواد ده نكتو بايخه
على : كده يا احمد
ونظر احمد لريتاج التى مازال وجهها احمر من الخجل ثم قالت هى :يلا بقى مش هنمشى
احمد:ليه …قصدى طيب اوك
فهمو البنات قصد ريتاج فقامو وقالو سلام بقى
خرجو وقالت ملك:ايه ايه كان عايز ايه
ريتاج:قالى بحبك
شاهى :بجد وانتى قلتى ايه
ريتاج:انا قلتلو انا لازم امشى ..فقام قايل اوعدينى تفكرى وقلت اوعدك

» ♥ ♥ .. بنـــات آخـــر شقــاوة .. ♥ ♥ من الحـلقـه الخـامسـة عشـر إلـى الحلقـه السـابعة عشـر
» ♥ ♥ .. بنـــات آخـــر شقــاوة .. ♥ ♥ من الحلقـه الثـامنه عشـر إلى الحلقـه الأخـــيـره
» ♥ ♥ .. بنـــات آخـــر شقــاوة .. ♥ ♥ مـن الحـلقـه السـابـعه إلى الحلقه الحـادية عشـر
» ♥ ♥ .. يـوميــــات بنـــات آخـــر شقــاوة .. ♥ ♥