♥ ♥ .. بنـــات آخـــر شقــاوة .. ♥ ♥ من الحـلقـه الخـامسـة عشـر إلـى الحلقـه السـابعة عشـر

الحلقه الخامسه عشر

خرجو وقالت ملك:ايه ايه كان عايز ايه

ريتاج:قالى بحبك
شاهى :بجد وانتى قلتى ايه
ريتاج:انا قلتلو انا لازم امشى ..فقام قايل اوعدينى تفكرى قلتلو اوعدك
ملك :اممممممممم طيب ياختى
شاهى:ياحبيبتى قلولتيلو اوعدك لا حنينه
ملك:هههههههههههههههههههههه
ريتاج:بطلى رخامه بقى يارخمه

نهال:خلاص ملك هتسافر
عبدالله:لازم تعرفى انو والدها ومن حقها تدور عليه
نهال:بس هى بنتى انا كمان انا ربتها 14 سنه ولا نسيت انها قعدت ف حضنى كل ده
عبدالله:لا منستش ضحى عشان ملك يا نهال عشان تبقى هى سعيده
نهال:طيب وميعاد السفر امتى
عبدالله:ملك مستعجله اوى عشان كده خليته بعد اسبوعين
نهال وهى بتعيط:اسبوعين يعنى خلاص هتسافر وتسبنى
عبدالله:الموضوع مش سهل على اى حد فينا يا نهال..بس ده والدها برضو
نهال:طيب انا بتمنالها الخير وخايفه عليها
عبدالله:مش اكتر منى
صمتت نهال لانها تعرف ان عبدالله بيحب ملك زيها ويمكن اكتر وقالت ف سرها :ااااااااه سيؤلمنى بعادك عنى يا بنتى ياترا لما رناتعرف هتعمل ايه

ورجعو البنات لبيت ملك وطلعو غرفتها وهما بيضحكو ومنسجمين خالص

ودخلت عليهم رنا وهى بتقول :ملك

ملك:ف ايه يارنا

رنا:هو انتِ صحيح هتسافرى بعد اسبوعين عشان تدورى على باباكى الحقيقى

ملك:مين اللى قالك الكلام ده يا رنا

رنا:انا سمعت بابا وماما وهما بيتكلمو

ملك:انا هسافر وهرجع تانى بسرعه يا حبيبتى

رنا:هو احنا كده مش هنبقى اخوات ولا ايه

ملك:لا يا حبيبتى احنا اخوات

رنا:ازاى وانتى من بابا وماما تانين

حضنت ملك رنا بشده وقالت:انتِ مش عايزة تكونى اختى

رنا:اه عايزة

ملك:خلاص انتِ اختى

رسمت رنا ابتسامه واسعه على شفتيها ولمع ف عينها بريق برأه الاطفال الذى يجعلك تريد ان تحضنهم بدون سبب واضح

وجريت رنا وهى بتقول طيب يلا عشان الاكل جهز

شاهى:انتِ صحيح هتسافرى كمان اسبوعين

ملك:ماديكى سامعه انا لسه عارفه دلوقتى

نزلت ريتاج دمعه من عنيها :ملك هتوحشينى اوى بجد

حضنت ملك ريتاج وبعدين شاهى وهى بتقول:وانتو كمان هتوحشونى اوى

نظرت ملك ليهم شويه وقالت :يلا ننزل عشان الاكل جهز

نزلو البنات وقعدو على السفرة

عبدالله:ازيكو يابنات ...اخباركم ايه بالدراسه

ملك:بابا احنا خلصنا الترم الاول بقالنا كام يوم

عبدالله:بجد

ضحكت ريتاج وشاهى بصوت منخفض وحاولو ان يكتمو الضحكه

قال عبدالله:معلش يابنات انا بنسى شويه

شاهى:لا ولا يهمك يا اونكل كل الابهات كده

نهال:معلش بقى ابهات اخر زمن

وضحك الكل وبعدين كملو اكلهم

بعد مأكلو البنات قالت ريتاج:ايه رأيكم نروح نخرج شويه دلوقتى

ملك:انا موافقه

شاهى:وانا كمان

رن موبايل ريتاج :الو

مازن:ايوة يا ريتاج ...ازيك ....حبيت اطمن عليكى

ريتاج:ايوة يابنى ...الحمد لله ازيك انت ....ثم تابعت وهى تنظر لملك :حبيت تطمن عليا انا برضو

ابتسمت ملك وقال مازن:اه ايه اخباركم

ريتاج:تمام وخارجين نتفسح

مازن:اها وخارجين فين

ريتاج:خارجين ف دريم بارك

مازن:اها ..أوك...سلام دلوقتى

ريتاج:سلام

قفلت ريتاج وقالت شاهى:كان عايز ايه

ريتاج:بيطمن عادى

شاهى وهى تنظر لملك:اوك

ملك:يلا بقى عشان ننزل

نزلو البنات وكان وليد واقف قدام الفيله التى يملكها استاذ عبدالله وبيشرب سيجارة وشاف البنات وهما نازلين وقام دخل عربيته بسرعه وراقب البنات وهمابيركبو العربيه وطلع وراهم

ولما وصلو دخلو البنات ووليد كان وراهم من بعيد ومازن كمان وبعدين لما البنات قعدوا جه وليد

وليد :لو سمحتى يا انسه

ملك:انت تانى ...عايز ايه

وليد:انا شوفتك دلوقتى بالصدفه وكنت عايز اتأسفلك بس

ملك:بقولك ايه ولا عايزة اسف ولا حاجه

وليد:ده انا جاى بقولك انا اسف

ملك:وانا قولتلك مش عايزة اسف

وليد بعصبيه:ايه يابت الالاطه دى ...انتِ فاكرة نفسك مين يامه

ملك بزعيق:بقولك ايه انا مش طلبت منك تتأسف يلا بقى امشى

وليدوهو بيشخط فيها:امشى هو انتِ بتطردينى من بيت ابوكى ولا ايه

وقامت ملك وهى بتقول:بقولك ايه احترم نفسك

وجه مازن بسرعه وهو بيقول:ايه يابا انت بتعكسها ليه

وليد:وانت مالك يلا محدش طلب تدخلك

مازن :كده وقام ضربه ف بطنه

ووليد ردله الضربه وقعدو يضربه ف بعض والشباب اتلمت وحاولو يحجزو بنهم

وليد:انا انا تضربنى كده انت نسيت نفسك يلا

مازن:انت اللى نسيت نفسك ...مش تتعرض ليها تانى يا حيوان

وليد عايز يضربه بس الناس ماسكينه ومازن كذالك لحد مجه واحد وهداهم هما الاتنين وفضو الخناقه ومشى وليد وراح مازن لملك وهو عصبى جدا

مازن:مين ده

ملك:معرفوش ده واحد بيعاكسنى كل شويه

مازن:والله يعنى انتِ متأكده انك متعرفهوش

ملك:مالك يا مازن قلتلك معرفهوش معرفهوش

نظر اليها مازن نظرة خوف عليها وقال:طيب يا ملك انا اسف

الحلقه السادسه عشر

ملك:معرفوش ده واحد بيعاكسنى كل شويه

مازن:والله يعنى انتِ متأكده انك متعرفهوش

ملك:مالك يا مازن قلتلك معرفهوش معرفهوش

نظر اليها مازن نظرة خوف عليها وقال:طيب يا ملك انا اسف

ملك :انا اللى اسفه يا مازن ..بعد اذنكم

ومشيت وسابتهم وهى بتعيط وبصت ريتاج لمازن بغضب وراح مازن وراها
بسرعه :ملك..انتى زعلتى منى ..ملك مالك

ملك وصوتها مخنوق بالعياط:مفيش حاجه يا مازن

مسك مازن ايد ملك وهو بيقول:ملك انتى بتعيطى ...كل ده علشان اتعصبت عليكى

ملك وهى بتمسح دموعها:لاء يا مازن مش بعيط

مازن:طيب انا اسف يا ستى ..خلاص بقى علشان خاطرى...دموعك غاليه عليا اوى

بصت ملك لمازن وقال مازن:انا عارف يا ملك ان عليكى ضغط كبير ..علشان كده عاذرك ...بس انا اتضايقت لما شوفته بيكلمك بالاسلوب ده

ملك:طيب يا مازن خلاص مش مشكله وانا اسفه علشان كنت السبب ف الخناقه دى ده عيل زباله اصلا ومش يستاهل

مازن:هو عاكسك قبل كده

اومأت ملك ومازن غضب كثيرا ولكنه لم يقول لها شيئا

جت البنتين شاهى:ملك انتى كويسه

ريتاج:انتى كنتى بتعيطى

ملك:اه كويسه ...بس ممكن نمشى بقى

مازن:خلاص ياجماعه مش حصل حاجه

ريتاج:لاء بقى هو احنا كل منيجى ف حته نمشى بسبب الزباله ده

تغير وجهة مازن واختنق بشده ولما رأت ملك قالت:طيب انت ايه رأيك يا مازن

مازن:اقعدو ومش تخافو انا مش هخليه يقرب ليكم

طبعا شاهى مش عاجبها الكلام بس مش قالت حاجه

ملك:طيب اوك

ريتاج:يلا بقى انا عايزة العب نروح انهى لعبة

شاهى:تعالو نركب الصارووووخ

ريتاج:اوك..ايه رأيكم

نظرت ملك لمازن فقال:ماشى

ملك:وانا كمان موافقه

لما راحو قعدو على الكراسى ومازن قعد جنب ملك وبص ليها وهى لما شافته بيبص لها قامت منزله راسها ف الارض

واول مطلع الصاروخ صرخو البنات التلاته جامد ومسك مازن ايد ملك خلها مش تنطق

زعق ابو شاهى لفتحيه لما رجع من الشغل وعرف ان شاهى سابت البيت :انتى ازاى تسبيها تمشى

فتحيه:وانا مالى هو انا كنت امها ولا ابوها

الاب:لا انتى مراة ابوها ..وبعدين ايه انتى مالك دى

فتحيه:الله الله الله والله وكبرنا وبقينا نعرف نزعق

الاب:انا طول عمرى كبير بس مكنتش احب احرجك قدامها انما توصل لكده لاء

فتحيه:يحبيبى ونبى لا بجد صعبت عليا ...هى راحت عند صاحبتها

الاب:وتبيت برا البيت خلاص بيت ابوها مبقاش يستحملها

فتحيه:انت مالك عامل كده ليه ..متسبها تغور وتريحنا بقى

صمت الاب كثيرا ليس صمت ضعيف انما صمت الذى يلوم نفسه فأخذ يقول انا اللى غلطان انا اللى اتجوزت واحده من الشارع من الاول انا اللى غلطان

الاب:فتحيه...البت راحت عند انهى صحبه

فتحيه:معرفش ياخويا

الاب:كمان متعرفيش هى راحت فين

وقام ضربها بالقلم وكانت اول مره ف حياته يضربها او يزعق ليها

فتحيه:انت بتضربنى ..طيب انا عند بيت ابويا ابعتلى ورقتى هناك
الاب:احسن غورى

بعد مخلصو البنات ومازن لعب وطبعا لايخلو من مواقف شاهى المضحكه ونظرات مازن لملك

روحو البنات عند ملك ولما فتحت شاهى الموبايل لقت 30 ميزد كول من باباها قامت اتصلت باباها
الاب:الو ايوة ياشاهى ..انتى فين
شاهى:انا عند صحبتى يابابا
الاب:صحبتك فين دى
شاهى:ليه انت عايز تاخدنى
الاب:امال تبيتى برا البيت
شاهى:لا يابابا انا عايز اريح اعصابى شويه
الاب:شاهى يلا يابنتى قولى انا طردت فتحيه
لما تصدق شاهى ماسمعت:بجد انت طردت فتحيه
الاب:ايوة قولى بقى
فكرت شاهى شويه وقالت:معلش يابابا صحبتى هتسافر برا وانا عايزة اقعد معاها شويه علشان هتوحشنى
صمت الاب طويلا ثم قال:طيب ياشاهى براحتك يابنتى
شاهى:سلام يابابا
الاب:خدى بالك من نفسك ..سلام
بعد مخلصت لقت ملك قاعده بتقرأ قصه وكان مكتوب على الغلاف صرخه رعب قامت اتسحبت شاهى شويه شويه وصرخت جنب ملك وقامت ملك رمت الكتاب وصرخت هى كمان
وريتاج قاعده تضحك
غضبت ملك من شاهى:قلتلك مش بحب المقالب دى
شاهى وهى تضحك:هههههههه احسن
ملك ضربتها بأيديها
شاهى :ااااااى يابنت اللذينه
كل ده وريتاج شغاله ضحك
وبعدين قالت :بنات هو الواد اللى بيعكسك ده ياملك جه صدفه ولا
ملك:وانا ايه عرفنى يعنى يا ريتاج..هو انتى واخوكى عليا
ريتاج بخبث:بس فيه فرق بينى وبين اخويا مش كده
ملك:فرق ليه يعنى ..بقولك ايه فكك من الموضوع ده دلوقتى

الحلقه السابعه عشر

شاهى :ااااااى يابنت اللذينه
كل ده وريتاج شغاله ضحك
وبعدين قالت :بنات هو الواد اللى بيعكسك ده ياملك جه صدفه ولا
ملك:وانا ايه عرفنى يعنى يا ريتاج..هو انتى واخوكى عليا
ريتاج بخبث:بس فيه فرق بينى وبين اخويا مش كده[ندعوك للتسجيل في المنتدى أو التعريف بنفسك لمعاينة هذه الصورة]
ملك:فرق ليه يعنى ..بقولك ايه فكك من الموضوع ده دلوقتى

شاهى :لاء بجد هتعملى ايه مع مازن ده

ريتاج:ايه ده يابت لمى نفسك

ملك:بس هتتخانقو ولا ايه

شاهى:طب هتعملى ايه

ملك:مش عارفه بس اكيد مش هينفع اى حاجه تحصل

شاهى :طب سيبك من الموضوع ده هتبدى تدورى ع باباكى ازاى ف امريكا

ملك:انا خالى قاعد هناك اصلا هروح اقعد عنده وربنا يحلها ساعتها اكيد هو يعرف ناس هناك وكده يعنى

ريتاج:ربنا يوفقك يارب انتى عارفه لما مازن عرف انك هتسافرى كان هيروح فيها رغم انه صعبان عليا بس انتى صح انتى لسه خارجه من تجربه قريب وبعدين انتى هتسافرى فمينفعش المهم هو يتقبل الكلام ده

ملك: معلش يا ريتاج تكونى فاهمة حالتى وتفهميها ليه او المفروض يكون حاسس بيا وبظروفى

ريتاج:هو عارف يا ملك يا حبيبتى متشليش هم بالموضوع ده

ملك:ماشى يا قمر

ملك سابتهم وسرحت لعالمها تانى ف الحقيقه هى مكانتش بتقرأ القصه هيا كانت سرحانه ف مشاكلها ووالدها الحقيقى ومازن وكل الحجات اللى بتحصل لها

قعد وليد يشرب السيجاره وهو بيكلم صديقه

فقال صديقه المزعوم :ايه عرفت توصل لحاجه مع البت اللى قلتلى عليها دى

وليد:يابنى انا كل مكلمها يجيلى واحد شكل ويتخانق معايا شكل الموضوع مش نافع

صديقه:ههههههه واحد شكل ايه كلهم بيحبوها يعنى

وليد:مش عارف بس البت دخلت دماغى ومش هسيبها غير لما اوقعها

صديقه:طب حاسب لحسن تقع انت او تجيلى مره متجبس هههههه

وليد:هاهاها خفه اوى لايا خويا متجبس ايه دنا اللى هجبسهم اصلا

صديقه:طيب ياهيرو اسيبك انا دلوقتى سلام

وليد:سلام

قعد وليد يفكر هيعمل ايه مع ملك وبعدين خطرت ليه فكره وابتسم وقعد يخطط كويس ليها والسيجاره مش مفارقاه

على بيقول لاحمد:هتعمل ايه مع ريتاج

احمد:مش هعمل حاجه هى شكلها مش بتحبنى ومرضتش تقولهالى كده فرفضت الكلام معايا اصلا

على :بس كلهم كانو متضايقين يا احمد مش ممكن يكون فيه حاجه

احمد:فيه حاجه زى ايه يعنى

على:وانا ايه عرفنى ده مجرد تخمين

احمد :بقولك ايه فكك من الموضوع ده وذاكر

احمد عمل نفسه بيذاكر وباصص ف كتابه بس ف نفسه حيران جدا مع ريتاج ومش عارف يعمل معاها ايه يترى هى كرهتة فعلا ولا موضوع مضايقها ولا هى مش عايزة تحرجه وهو اختلط معاهم زياده

اما على بقى كانت نار بتكويه هو بيحب شاهى وهى مش بتحبه ايوة حاسس انها مش بتحبه بيحب من طرف واحد ياااه الموضوع ده قاسى اوى انك تكون بتحب حد وبتتمنى رضاه وهو مش حاسس بيك اصلا وبيعاملك عادى ويمكن برسميات زياده عايز يعبر ليها عن شعوره نحيتها ومش قادر لو عرفت ممكن تبعد عنه نهائى ويبقى حتى مش هيقدر يشوفها تانى

وكمان ممكن يجرح شعورها رغم انها مبينه انها مش رقيقه بس هى رقيقه جدا وهو مش عايز يجرحها ااااااااه هعمل ايه بس ياربى لو طلعت بتحب واحد تانى هعمل ايه ساعتها لو طلعت مبتحبنيش اصلا هعمل ايه بس معقول مش حاسه بيا خالص اعمل ايه عشان ألفت نظرها ليا انا هتجنن

» ♥ ♥ .. بنـــات آخـــر شقــاوة .. ♥ ♥ مـن الحلقـه الثــانية عشـر إلـى الحلقــه الـرابـعة عشـر
» ♥ ♥ .. بنـــات آخـــر شقــاوة .. ♥ ♥ من الحلقـه الثـامنه عشـر إلى الحلقـه الأخـــيـره
» ♥ ♥ .. بنـــات آخـــر شقــاوة .. ♥ ♥ مـن الحـلقـه السـابـعه إلى الحلقه الحـادية عشـر
» ♥ ♥ .. يـوميــــات بنـــات آخـــر شقــاوة .. ♥ ♥