حــوار بيــن عضــويــــن....

تذكير بمساهمة فاتح الموضوع :

[ندعوك للتسجيل في المنتدى أو التعريف بنفسك لمعاينة هذه الصورة]

الفكرة هي

حوار صريح جدا

سوف نستضيف فى حوارنا

عضوين أو عضوتين
سيتم الحوار بينهما

كل منهما يوجة أسئلة للطرف الاخر

والطرف الاخر يرد عليه ويطرح اسألته

بكل صراحة

فى جميع المجالات
والحياه

كى نقترب جميعا من بعضنا ونغوص فى اعماقنا سويا

ولكل

عضو/ة

اسلوبه/ها فى الحوار

وسوف اضع بعض شروط الحوار

لكي يكون حوارا صافيا جميلا نستفيد جميعنا منه

ويكون موضوعا مميزا

ولآ يوجد به اي خلل

1_ ستكون فترة استضافة العضوين4 ايام بعدها سيتم استضافة عضويناخرين او عضوتين

2_ يرجى الصدق فى الاجابة على اسئلة كل من الطرفين

3_ يرجى مراعاه أداب الحوار فهى تعكس شخصيتك

4_ان كنت احد اعضاء الحوار يرجى الاهتمام وتواجدك باستمرار لان الجميع ينتظر اجابتك !

واول عضوين هما ..!!
مستــر هــادى

و عنيــده قتليـااَ

ودة تحت اشرافى انا الى هختار الاعضاء [ندعوك للتسجيل في المنتدى أو التعريف بنفسك لمعاينة هذه الصورة]

هل انت شخص رومانسى؟
مين فينا مش رومانسى ..اه أنا رومانسى .. و مؤؤفور فى الرومانسيه كمان هاهاها ..

هل يمكن أن تضحى بحياتك من اجل من تحب ؟؟
دى مش محتاجه سؤال و منغير ما أفكر أنا أضحى بحياتى و عمرى كله علشانها ..

ماهى المواصفات اللى تتمنى وجودها ف شريكة حياتك؟
تحبنى و تفهمنى أوووى و تبقى وفيه ليا فى حبها و ليها شخصيه جامده الناس بتحترمها فيها ..

من يعشق قبل الاخر من وجهة نظرك القلب ولا العين ؟؟
لا القلب طبعاً ..العين مجرد ترجمة صوره للقلب مش أكتر .. لكن اللى بحولها لمشاعر و إحساس القلب ..

ماذا تفعل اذا خانك من تحبه؟
هسيبـه و عمرى ما هحب بعده تانى لأنها حاجه مش متوقع منه و صدمه كبيره أووى ليا ..

لو خيروك بمكان تذهب فيه مع حبيبتك ايه المكان اللى تختاره؟؟ ولماذا هذا المكان؟؟
أى مكان ما يكونش فيه أى ناس يعنى بعيد عن المشاكل و الهم .. مايكونش فيه غيرى أنا وهيا ..نقول جـ،ـزيره مثلا ..

متى تشعر بالوحدة وأنت مع حبيبتك؟؟
لما ما تكلمنيش على الأقل مره فى اليوم .. و لما تقسى عليا و توافق على كلامى و هيا مش مقتنعه بيه من جواها و الله أعلم بيها أنا بأبقى من جوايا عامل إزاى لما أحس إنها كدا ..

اغنية تهديها لحبيبتك؟
سـرحت فيك .. عمرى مصطفى ..

هل انت عاشق للحب لمجرد الحب ام انك عاشق لمن تحب؟
أى إنسان بيعشق الحب لمجرد الحب .. ولكن مع حبيبتى دى بالذات أنا عشقتها هيا و إتعلقت بيها جامد أوووى لذلك صعب أفارقها ..

هل تعتقد ان هناك حب عن طريق النت ؟؟
بصراحه هوا مش مضمون بس أنا جربت و لقيت فعلا موجود .. بس برده قليل أو صعب إنك تلاقى حب بجد على النت ..

ما رأيك ف الحب الاول ؟؟ومن رأيك هل هو حب ام وهم ؟؟
رغم أنه إجمل حب طبعاً و لكن أنا بعتبره حب وهمى لأنك بتحبى بغباء أووى وغالباً الشخص اللى بتحبيه مش بيتفهم حاجه زى دى و تفضلى تتعذبى لو لحظه غاب عنك .. و الحب دا مش قائم على الذكاء فى التعامل لأنه أول مره .. و كل حاجه بتقولها و بتعملها بتبقى للمره الأولى ..

ماذا تفعل عندما تكتشف ان هناك شخص يحبك وانت لا تبادله نفس الشعور ؟؟
هواجهه علطول بحبى .. وافق كان بها .. موافقش مش مشكله أدينى عملت اللى عليا و صارحته بحبى .. و فى كلتا الحالتين أنا ال كسبان لأنى مقعدتش أحلم فى حلم هيبقى كابوس و كاتم فى قلبى و فى الأخر متوافقش ..و قولتلها و إن وافقت خلاص يبقى كله فى اللذيذ هاهاهاها .. [ندعوك للتسجيل في المنتدى أو التعريف بنفسك لمعاينة هذه الصورة]

ايه رد فعلك لو أهلك رفضوا الانسانة اللى اختارتها تكمل معاك حياتك؟؟
مع إحترامى الشديد ليهم .. دى حياتى و هشوف طريقه أحل بيها المشكله دى بس برده دا كله هيحصل و حبيبتى هتفضل معايا معايا فى كل الأحوال ..

ايه رأيك ف ( الحب / الغيرة / الخيانة /الفراق ) ؟؟؟
الحب : كلمه و إحساس و شغف و حنان وسعاده .
الغيره : سكر الحب و الذى يعطى له طعماً طيب المذاق و شكلاً جوهريـاُ و بدونها لا يوجد حب حقيقى ..
الخيـانه : سكين يطعن به قلب الحبيب ..
الفراق : أسوء نهاية لأجمل شئ

ايه اللى يخليك تحب حد وترتبط بيه ؟؟
اللى يخلينى أحب واحده هيخلينى أرتبط بيها ..

ايه اول شئ يلفت انتباهك للشخص اللى ادامك ؟؟
إختلافها عن الناس كلها فى أدق تفاصيلها .. وقربها من ربنا ..

من وجهة نظرك .. ايه سبب خيانة الحبيب ؟؟
مفيـش أى سبب للخيانه مهما كان ..

هل تستطيع الاعتراف عندما تخون ؟؟؟
بصراحه مش عارف لأنى عمرى ما هعمل كدا علشان كدا مش عارف بصراحه بس بتهيألى أه هعترف و أصغر نفسى مره ولا أصغرهاش العمر كله ..

هل ممكن تحب شخص لم تراه ؟؟؟
هاهاهاها إزاااى دى !!!

من رأيك .. ممكن يدوم حب عن طريق النت ؟؟
النت عباره عن بوابه و لما يحصل موافقه من البنت اللى بحبها خلاص كدا دخلنا فى شريحة تانيه أى مشكله أو أى حاجه النت ملهوش بقى علاقة بيها ..

ايه اصعب احساس حسيته ف حياتك ؟؟
إحسـاسى بالندم ..

لو حبيبتك طلبت منك تكتب على ايدها حاجة .. هتكتب اييييه؟؟
بحبك للآبد .. بتوحشينى و إنا شايفك ..

ايه اكتر شئ يجرحك ؟؟
من كتر ما إنجرحت مبقتش فارقه .. و ممكن نقول أى حاجه غلط مكونتش مستنيها من أقرب الناس ليا ..

ايه احلى ذكرى مستحيل تنساها ؟؟
معلش أعفينى م السؤال دا ..لأسباب شخصية ..

هل ممكن توافق على الرجوع لحبيبتك بعد ما جرحتك وسابتك لفترة طويلة؟؟؟
لا طبعـاً ..

هل الحب التانى يمحى الحب الأول ؟؟؟
لو حب بجد أه ..

من رأيك هل الحب قدر أم قرار ؟؟
لا قرااار و قدر فى نفس الوقت .. قدر إنك لازم هتحب هتحب و قرار وقت ما تفكر هتحب مين وتقرر تقولها ..

هل بتعترف ان فى حب من أول نظرة ؟؟
اه بعتـرف ..

إيـه دا كله حرااااااااام عليكى هرتينى أسأله .. إيديا تعبت من كتر الكتابه ..هاهاها ماشى ماشى .. إصبرى بقى ..

ههههههههههههههه ياعينى عليكم انتو الاتنين

ده هادى وعنيده كانو كويسين ف الاسئله وكانت سهله

انما انتو يالهوووووووووووووى

بس موضوع جامد اخر حاجه
تقبلومرورى

ههههههههههههههه اصل ياراندا هو اللى بدأ بالشر

خلاص يشييييييل بقى ويستلم منى

نورتى يا جميل

ههههههههههههههههههههه ماشى ياقمر

قطعيه ف الاسئله متسيبهوش خاااااااااالص

بنورك ياقمر

هههههههههههههه
ربنا معاك يا أكرم
ارحميه شويه
على العموم تسلمووووووو الأسئلة الجامدة

نايس توبيك ونايس كويستشينز وتمااااااااام التماااااااااااام وربنا يستر

ههههههههههههههههههههههههه اكرم يافرندى ياعينى على صوابعك زامنها ورمت من كتر الكتابه هههههههههههه يلا ربنا معاك وتكملها على خيـــــــــر وسلامو عليكوم

لالالالا دا أنا هقطعها هاهاهاها

متخـافوووووووش يـا جماعه دا أنا جمجمـه و هنشوووف مين ال هيقطع التـانى

يلا و رجعنا من تــانى .. و جاااوبى يـا خالــتى بقى ..

10 - ايه نقاط ضعفك ؟

- هل انت راضى عن نفسك وعن علاقتك مع ربنا؟

12 -ايه لونك المفضل ؟

13 -ايه افضل شهر ليك ؟ وايه السبب ؟

14 - ايه حكمتك ف الحياة ؟

-فى اتحاذ قراراتك بتحكم ايه قلبك ولا عقلك ؟

3_ ايه اكتر حاجة بتحبها في نفسك
4_ اكتر صفة بتكرها ومبتحبش تكون في اصحابك

5-كلمة تود سماعها كل يوم؟!؟

8-ايه احسن حاجة حصلت ليك فى 2010

-حلم فاقد الامل ف تحقيقه؟

أيه هي اسعد لحظات حياتك ؟
معك ورقة وقلم هتكتب ايه؟ لمين ؟

مين ممثلك المفضل ؟

ومين مطربك المفضل ؟

وايه فلمك المفضل ؟

11 _ لو لقيت مصباح علاء الدين و ليك تلت حاجات تعمل ايه ؟

ههههههههههههههههههه

ماشاء الله اسئله عسل جداا

استلمى يااساره

والله اسئله جامده جدا

ربنا معاكى هههههههههه

يلا و رجعنا من تــانى .. و جاااوبى يـا خالــتى بقى ..
يا الف مليون اهلا وسهلا بيك ياسيدى .. حاضر هجاوب من عينى

- ايه نقاط ضعفك ؟
دموعى .. ببكى بسرعة رهيبة لأتفه الاسباب
طيبتى .. بسامح اى حد بسهولة اوى لدرجة انهم اطلقوا عليا (هبلة) .

- هل انت راضى عن نفسك وعن علاقتك مع ربنا؟
امم الحمد لله .. الى حد ما كويسة بس اكيد بطورها برده

-ايه لونك المفضل ؟
الاسود & التركواز

-ايه افضل شهر ليك ؟ وايه السبب ؟
شهر يوليو .. السبب هحتفظ بيه لنفسى

- ايه حكمتك ف الحياة ؟
االدنيا يوم ليك ويوم عليك .. هى حكمتى اللى مش راضية تتنفذ علشان كل الايام عليا الحمد لله

- فى اتحاذ قراراتك بتحكم ايه قلبك ولا عقلك ؟
عقلى وللاسف ده عامل ليا ازمة جامدة اووى وللاسف برده مش عارفة ابدا احكم قلبى ولو حاولت عمل كدة عقلى بيسيطر عليه اكتر

_ ايه اكتر حاجة بتحبها في نفسك
مش بحب اى حاجة ف نفسى

_ اكتر صفة بتكرها ومبتحبش تكون في اصحابك
الغدر والخيانة

-كلمة تود سماعها كل يوم؟!؟
اى كلمة تحسسنى انى غالية عند الناس وليا قيمة كويسة

-ايه احسن حاجة حصلت ليك فى 2010
اممم 2010 دى كانت أسوأ سنة بمر بيها ومش كنت اتخيل انى أمر بأصعب منها بس فى حدث معين كدة حصل غير مجرى حياتى 180 درجة ودلوقتى الحمد لله بمر بأسعد ايام حياتى .. والحدث ده بدون توضيح هو احسن حاجة حصلت ليا

-حلم فاقد الامل ف تحقيقه؟
هههههههه بلاش علشان مش تزعل منى .. هحتفظ بحلمى لنفسى

أيه هي اسعد لحظات حياتك ؟
اى لحظة بقضيها وحبيبى قريب منى

معك ورقة وقلم هتكتب ايه؟ لمين ؟
هكتب يارب خليك معايا وقوينى وصبرنى .. بس دى مش لحد
لو حاجة لحد يعنى هكتب لحبيبى ( بحبك يا اغلى حاجة ف دنيتى وهفضل طول عمرى احبك )..

مين ممثلك المفضل ؟
احمد السقا .. ونتورث ميلر

مطربك المفضل ؟
جنات .. محمود العسيلى

وايه فلمك المفضل ؟
twilight

_ لو لقيت مصباح علاء الدين و ليك تلت حاجات تعمل ايه ؟

هى حاجة واحدة وبس مش محتاجة غيرها ف دنيتى .. ارتبط بالانسان اللى بحبه واعيش معاه حياة سعيدة كويسة وربنا يقدرنى واقدر اوفيه حقه لان افضاله عليا كتيير اوووووى

فله على الأجوبه .. لالا المره دى الله ينـور كل الأسئله إجابتها موجوده ..

طب إسألى إنتى بقى

الدوووووووووووووووووور عليـكى !!

اوووووك وانا هسأل يا جمييل

. اذا اردت ان تبكي الان , فعلى من تبكي؟

لو خيروك بين حبيبك وبين اعز صديق فمن تختار ؟

.من يسكن قلبك؟

.هل تعتقد ان حظك سيئ؟

.((مستحيل انساك)) تقولها لمين؟

.(( اللي راح راح وماتفيد كلمة ياريت ))
إذا أردت ان توجه هذه العباره لنفسك, فماذا تقصد بها ؟

.(( انت كل شيء بحياتي )) لمن تقولها ؟

.هل تؤيد الزواج العاطفي ام الزواج التقليدي ؟ ولماذا ؟

.ايهما اهم شهادتك الجامعيه أم الزواج ممن تحب ؟

.هل تعترف بشيء اسمه الصداقه بين الرجل والمرأة ؟

.من هو اكثر شخص تفكر فيه؟

.هل تكره شخص بشده في حياتك ؟

.هل ملابس الشخص امامك تؤثر فيك لتأخذ عنه انطباع ؟؟

.حكمة تؤمن بها جدا؟؟

ماهو اجمل اسم لولد واجمل اسم لبنت من وجهة نظرك؟

.هل انت من لديهم رغبة حب التملك واذا تملك الشيء اصابه الملل منه ؟

.اعتذار تريد ان تقدمه لمن؟

0متى يقسو قلبك؟

0متى تخجل من نفسك؟

0 فى زمن البحث عن المادة .. عن ماذا تبحث انت ؟

اوووووك وانا هسأل يا جمييل
ما تسألى هوا إحنا بنخاف ولا بنخاااف ولا نكوووووونش بنخاف هاهاها ..

. اذا اردت ان تبكي الان , فعلى من تبكي؟
هبكى على مستقبلى اللى راح .. و حبيبتى ال بعيده عنى و مش عارف أخليها دايماً قدامى ..

لو خيروك بين حبيبك وبين اعز صديق فمن تختار ؟
.. مفيـش وجه تشابة علشان إختار ..

.من يسكن قلبك؟
حب ربنا .. و حب أهلى .. و حب حبيـبتى ..

.هل تعتقد ان حظك سيئ؟
لو إعتقدت كدا يبقى كفر و العياذ بالله و أنا راجل مؤمن .. بس الحمد لله على كل حاجه و مفيش إنسان مش حظه سيئ .. دونيـا ..

.((مستحيل انساك)) تقولها لمين؟
مفيــش حاجه سبتها و ندمت عليها الحمد لله .. بس جدى و جدتى لما توفوا إفتقدتهم أوى .. و عمرى ما هنساهم ..

.(( اللي راح راح وماتفيد كلمة ياريت ))
مستـــقــبلى

إذا أردت ان توجه هذه العباره لنفسك, فماذا تقصد بها ؟
أقصد بيها أنى أفوق من الدوامه ال فيها .. و أقرب لربنا و إختار طريقى و لو لمره صح ..

.(( انت كل شيء بحياتي )) لمن تقولها ؟
أمى و أبويا و حبيــبتى

.هل تؤيد الزواج العاطفي ام الزواج التقليدي ؟ ولماذا ؟
الزواج العاطفى .. لأن الجواز التقليدى بيبقى عامل زى البطيخه يا إما حمرا يا إما صفرا و مش حلوه .. و إنتا و نصيبك و أنا مش هقعد أستنى نصيبى .. الجواز العاطفى على الأقل بتبقى عارف عيوب حبيبك إيه و بتاخد إحتياطات ليها بعد الجواز .. إنما مش لسه هتعــرفوا و بعدين تحط حلول للمشاكل ال هتبقى فيها .

ايهما اهم شهادتك الجامعيه أم الزواج ممن تحب ؟
لا الجواز مهم طبعاً .. ولكن شهادتى الأهم علشان بتخلينى أختار البنت ال تكون شريكة حياتى .. أنا حتى لو واحده بتحبنى و أنا صايع ماليش مستقبل أهلها هيرفضونى ولا إيـه !!؟؟ ..

.هل تعترف بشيء اسمه الصداقه بين الرجل والمرأة ؟
هوا بصراحه بينى و بينكم لا .. لو كانت موجوده كنا هنشوفها أيام الرسول .. و أيامة كلنا عارفينها ..

.من هو اكثر شخص تفكر فيه؟
حبيــبتى

.هل تكره شخص بشده في حياتك ؟
لا متعودتش إنى أكره حد مهماً كان .. أضايق بس ..

.هل ملابس الشخص امامك تؤثر فيك لتأخذ عنه انطباع ؟؟
أه طبعاً يعنى لو لابس لبس عيال الشاذيين دول ما هيدينى إنطباع بإنه مش كويسه و صايع .. و لا لو واحده متحجبه و لا لابسه لبس محترم ما هيدينى فكره إنها محترمه ولا إيـه ..!؟؟

.حكمة تؤمن بها جدا؟؟
اللى ييجى منك أحسـن منـك

ماهو اجمل اسم لولد واجمل اسم لبنت من وجهة نظرك؟
الولد : آدم البنت : خديجة و يا را ..

.هل انت من لديهم رغبة حب التملك واذا تملك الشيء اصابه الملل منه ؟
لا مش كـدا .. أحب حتى الحاجه ال تبقى معايا تبقى حره مش مقيده ..

.اعتذار تريد ان تقدمه لمن؟
والدى .. بعتذر ليه عن أى حاجه غلط عملتها مع إنى و الله شايف أنى معملتش حاجه بس غضبه عليا يدفعنى لكدا حتى لو معملتش حاجه .. و بعتذر لربنا علشان مش قريب منه أوى ..

0متى يقسو قلبك؟
مفيـــش

0متى تخجل من نفسك؟
لما حد يكسفنى قدام ناس كتيــر

0 فى زمن البحث عن المادة .. عن ماذا تبحث انت ؟
و الله ما بقيت عارف .. أعيش زى الملايين ال عايشه منغير هدف دى .. ولا أحلم و أدور على حاجه إحققها و أفشل فى الأخر ..!!؟؟ مش عـارف ..

الله عليكوا جميل جداً و الله

كملو كملوا سكتوا ليييييييييييييه

مش عارف البت دى بترووووح فين .. هيا الدور عليها تسأل .. شكلها سلمت نمررر ..

لالالالا انا هنا مش سلمت نمر ولا حاجة يا كوكو

اوك حاضر من عينى هسأل هو انا ورايا ايه غيرك

اوصف نفسك ؟؟

صفة فيك تحبها كتييير؟؟؟

صفة فيك تريد تغييرها ؟؟؟

نقطة تحول ف حياتك .. ايه هى ؟؟؟

اكتر شخص تشعر معه بالأمان .. مين هو ؟؟؟

اكتر مكان تشعر فيه بالراحة .. فين ؟؟؟

متى تكون ف قمة سعادتك ؟؟؟

لو صرخت بأعلى صوت .. هتقول ايه ؟؟

عندك فرصة تكتب حاجة العالم كله يقرأها .. هتكتب ايه ؟؟؟

ايه اكتر شيئ يعصبك ؟؟؟

ايه اكتر شيئ يسعدك ؟؟؟

ايه اكتر شيئ يبكيك ؟؟؟

كفاية عليك كدة يا جميل

اوصف نفسك ؟؟
متواضع ..طيب .. بحب كل الناس و الناس الحمد لله بتحبنى ..متهور ..بحب بجد .. معرفش أكره .. ذكى شويه هاهاهاها ..

صفة فيك تحبها كتييير؟؟؟
بعرف أقرى ال قدامى من نظرة واحده

صفة فيك تريد تغييرها ؟؟؟
التردد و التهور

نقطة تحول ف حياتك .. ايه هى ؟؟؟
لما حبيــت

اكتر شخص تشعر معه بالأمان .. مين هو ؟؟؟
والدى

اكتر مكان تشعر فيه بالراحة .. فين ؟؟؟
بيـتى

متى تكون ف قمة سعادتك ؟؟؟
لما بشوف حبيــبتى بكون فى اسعد لحظات حياتى

لو صرخت بأعلى صوت .. هتقول ايه ؟؟
يا رب

عندك فرصة تكتب حاجة العالم كله يقرأها .. هتكتب ايه ؟؟؟
أول مره أحب بجد و اتعلق باللى حبيته بجد لأنه يستاهل و أنى مش وحش و نفسى أهلى يفهمونى و نفسى أقرب من ربنا

ايه اكتر شيئ يعصبك ؟؟؟
التعليق هاهاهاها و صاحب العقل يفهم

ايه اكتر شيئ يسعدك ؟؟؟
حبيبـتى بكل حاجه فيها

ايه اكتر شيئ يبكيك ؟؟؟
لما أحس إنى لوحدى منغير أهل ولا حد يحبنى

كفاية عليك كدة يا جميل
ليــه ما إنتى قاعده شوووويه ... على العـموم هبقى أشوفلك أسأله جامده .. هاهاها يلا بالشفا ..