رقم تليفون بابا ......010

بسم الله الرحمن الرحيم

حكايه حب

هى بعباية طويلة وطرحة ملونة جميلة ووجه برىء مبتسم دائما..و.ماسكة كمية كتب مهوله

فاتت ........كتبها وقعت ...حاول يلمهلها ...(انتو عارفين الشباب المصري خدوم قد ايه)

هى:متشكره اوى (ووشها احمرمن كتر الكسفة يا عينى)
لاول مره يرفع عينه ويشوفها
هو:لا عادي ولا يهمك(فى اسبهلال)

تمشى ونظراته مش قادره تفارقها

هو:مش ممكن البراءة دي (فى سره)
يعود لاصدقاءه

هو:يااااه ..ايه ده؟ قصدي مين دي ؟انا اول مره اشوف البنت دي...هى سنه كام؟

صحابه:ديمعانا يابرنس .بس سيبك خنيقة مووووت..اصلها من النوع الدحيح ..اللى بيحضرووجع الدماغ ده ...يا شيخ دي بت معقده...انت قولتلى سيبت جيجى ليه؟يامانخالد كان بيوصلها بعربيته عشان كنا بليل طالعين ومفيش مواصلات..متبقاشخنيق يا مان

وصاحبه قاعد يتكلم ويتكلم وصاحبنا ولا هو هنا

لاول مره فى حياته يحس بحاجه .احساس بالامان ...العودة للوطن...حضن امى...احساس حلو اوى....

هوفى سره)هى رايحه فين؟نظراته بتراقبها؟.....المسجد!!!!

احساس دخيل لاول مرة يشعر بيه...انا عمري ما دخلت مسجد الكليه ولا اعرف شكله...ده انا بصلى الجمعة بزن امى

مستنيها(فاضى بقى )

هو:لو سمحتى ممكن كلمة

هى:فى حاجه حضرتك؟

هو:بس كنت عاوز اعرف اسمك

تمشى (فى سرها ده مين الانسان ده ؟)

اتكررت محاولات اخينا مليون مرةوطبعا دون جدوي

الموضوع ف الاول كان تحدي واثبات لنفسه ان الكبير كبير وعاوز يكلمها باي طريقة.ايوة اشمعنه دي ..دي كل البنات هتموت لو اشارة منه

لكن كل المحاولات فشلت

بس هو كان مش موضوع تحدي كان حب ...ايوة حب ..بس حب جميل اوى ..نضيف اوى...برىء اوى

...قال خلاص مبدهاش انا هدخلها من طريق تانى!!!الجواز!!

ياسلالالالالالالالالام(ده انا اللى بقول)

هو:لو سمحتى انا معجب بيكى...وعاوز اتقدم ليكى

هى:تتقدم لى !!!انا اسفه مينفعش

هو:انتى مرتبطة(واحساس بصدمة رهيبة هيسمعها)

هى:لا بس انا عاوزه ارتبط بشخص ملتزم.....ومشت

وكانت الكلمة دي اكبر صدمه سمعها فى حياته

حس احساس رهيب ولاول مرة يسمع الكلمه دي ويفكر فيها ....

بيبص للبسه!

لشكله!

لعلبة السجايرو(واخواتهاا)اللى فى ايده!

لموبايله اللى مليان تليفونات بنات ومسجات بشعه!و........وو..انا مين؟انا ايه؟.

ويمر شريط حياته لاول مره امام عينيه ....يااااااااه انا فاشل اوى كده...ياه انا بشع كده

انا استاهل انها ترفضنى.!.. يبص لحياته لاول مرةو يفهم يعنى ايه كلمة ملتزم...

الله اكبر ...الله اكبر.....(اذان العصر )لاول مرة ياخد باله من الاذان

شافها داخله مسجد البنات....

بلا شعور لقى نفسه فى المسجد.....بس انا مش متوضى !...راح واتوضى

وبكي...ايوة قعد يبكي وهو بيتوضى ويقول مستحيل ربنا يسامحنى ده ولا كل الميه تنضفنى انا والذنوب اللى عملتها

سمع هاتف..وأيه كان بيقراها وهوصغير(قل يا عبادي الذين اسرفوا على انفسهم لا تقنطوا من رحمة الله.ان اللهيغفر الذنوب جميعا.انه هو الغفور الرحيم)زاد بكاؤه وصوته بيقوليااااااااااااااااارب يااااااااااااااارب

صلى وبكي فى خشوعه وركوعه وسجوده...بعد ما خلص مخرجش ...قعد يناجى ربنا شويه...وخرج

عارفين احساسه كان عامل ازاي؟انامش قادر اوصفه؟رجع تانى بنى ادم ربانى رجع تانى لقلبه رجع تانى ضميره رجعلكل حاجه حلوة كانت ضايعه منه فى ايام الضياع !!!

صحابه:............ايه يابرنس كنت فين قالبين الدنيا عليك موبيلك مقفول ..ايه كنت فين؟

مسمعهمش ..مشى فى طريقه ..مش شايف حد أمامه ..مش شايف غير طريق نور ركب عربيته وصل بيته قبل ايد والدته

دخل غرفته قطع الصور ...نضف الكومبيوتر...رمى شريحته...نضف حياته ...مسك قلم وورقة وقال

انا بنى ادم جديد

انا بقيت نضيف

غاب عن جامعته شهر.... بيعيد نظام حياته يصلح علاقاته بيحب اهله ولاول مره بيتكلم بجد وبحب مع اخواته

ياااااااااه انا اخواتى بيحبونى اوى كده .....وامه بالدعاوى ماشيه وراه...لفلها وقالها بحبك ياامى وقبل ايدها

نزل راح الجامعه .....اتصدموا من شكلوا...صلح حاجات كتيييييييير معاهم...بعد عنهم .....

شاااافها!!!

..اتغير لونها وبريق عنيها اول ماشافته..............زى ما يكون........

هو طبعا مش مصدق نفسه..ولا هى مصدقه شكله ولاعلامة الصلاه والنور اللى بقت فى وجهه!!

قالها :لسه مينفعش؟

قالتله:رقم تليفون بابا........................010.....

ما أحسن التوبة والرجوع إلى الله عز وجل وما أحوجنا فى هذه الأيام إلى مثل تلك البنت التقية فى مجتمعنا الذى تدنت فيه الأخلاق وقل الحياء ولا حول ولا قوة إلا بالله العلى العظيم وبارك الله فيكى دى فعلا قصة جميلة جدا

جزاك الله خير
شكرا لمرورك نورتنى

نعم ليس مظهر الانسان هو الدال عليه , ويانعم هذه الفتاة وما اهناها

نعم لقد ابكتني كثيرا هذه القصة الجميلة لاننا اليوم كشباب نبحث في مجتمعنا هذا عن فتاة متدينة مثل هذه ولا نجدها
ولكننا كنا تائهين وراء اعمالنا ولا ندري مانحن فاعلون

جزاكي الله خيرا
تقبلي مروري

جزاك الله خير شكرا لمرورك نورتنى

بجدموضوع رائع يا أسراء تسلم أيدك عليه بجد ودا العادى بتاعك والمتوقع منك
جزاك الله كل خير وياريت كل البنات والشباب يكونوا على وعى ودرايه كافيه بحياتهم ودينهم
والله المستعان
دمت يا طيبه بكل ود
وتقبلى تحياتى

جزاك الله خيرا يامحمد
شكرا لمرورك

طول عمرك فى تميز و إبداع .. وكالعاده توبيك فى اروع ما يكون وواصلى إبداعاتك ..>>>

» ورجعنا من جديد أغنيه يا خاينه لميشو العويل توزيع كرم تليفون مع تحيات دى جى سمكه
» مولد بابا - توزيــع = لشبح السلام -فـــيـــجـــو
» وسع للدمار ومولد القنصوله لـ بابا التوزيعات عمرو حاحا مولد دمار شامل
» حصريا مهرجان واحدة الظهر من بابا الشعبي بليه الكرنك توزيع شبح الزيتون هيصه و%8
» اصحى لانفجار مع الفنان (احمد هلال) ومولد الطلعة2009 توزيع بابا الشعبى ((حمادة سمير))