فى الدنيا مشاكل وهمية
أصحابها بتبحث عن حل
فكرت بروحى الفكاهية
اتصرف وافتح لى محل
لعلاج العقد النفسية
بطريقة ماقل ودل
......................
أنا جارتى بتكتب لى جواب
ويقول لى يا أعز الأحباب
الحقنى ازاى ابعده عنى
ودا واقف دايما ع الباب
........................
بصراحة ياست الستات
الدنيا مليانة حاجات
بتخلى الواحد فى ساعات
بيفكر زى المذهول
ودى حاجة مش عايزة سكات
وهاقولك حل ومعقـول
.....................
سيبى بابك أكتر الأوقات
فى ميعاده مفتوح بالذات
وقولى له اتفضل مسييه
انا عندى مارون جلاسييييه
خد راحتك ياسعادة البيه
عن اذنك جايه على طول
....................
وبسرعه على ايد الهون
وبقوة عمك شمشون
وتسمى من غير بردون
على ضهره وروحى مناولاه
راح ينزل زى البلاص
ولاهوسة ولا قلبة راس
...................
ملحق الاهرام_ ايامنا الحلوة _ على الجندى
موضوع: مشكلة على الباب 
الثلاثاء نوفمبر 30, 2010 11:11 pm
